لا تلوموني اعلة نوحي (مكتوبة) - جليل الكربلائي
منذ ٧ سنوات٣٠٥مشاهده
قصيدة : أنا عاشق للحسين ابفطرتي
للشاعر : نجم الصرّاف الكاظمي
الرادود : الحاج ملا جلیل الکربلائي
أنا عاشق للحسين ابفطرتي...لا تلوموني اعله نوحي و دمعتي
******
اشلون ما أنحب على حسين و أنوح...اشلون ما أفدي له مهجة او أهدي روح
هوه مصباح الهداية و فلك نوح...و هوه نور الله اليزيح الظلمتي
******
حسين حب رباني تهواه القلوب...حسين كل دمعه إله تمحي الذنوب
روحي لمن تسمع بإسمه تذوب...و بيها أهتف بآخر دنيتي
******
حسين قلب المصطفه و سر النزول...حسين ريحانة علي و روح البتول
لا تلوموني اعله حبه اشما أقول...آنا ثابت دوم إله بمحبتي
******
آنا بالفطرة أحبه بلا رياء...من أجل حبه أحبها الكربلاء
أخدم الكلمن يخدمون بولاء...و أرتجي من الباري يقبل خدمتي
******
حسين مصباح ابركن عرش الجليل...حسين بالقرآن قربان الخليل
يومه طول الدهر يبقه ابلا مثيل...و لجل ظل يهتف لساني و مهجتي
******
حبه من الله سكن وسط الفؤاد...و بالوحي فرض المودة اعله العباد
اشلون ما ألبس عله المصابه السواد...اشلون ما ترتفع بإسمه رايتي
******
اشلون ما أبجي دمه من الناظرين...و أهتف اويه المهدي بين الحرمين
من ينادي يا لثارات الحسين...تلتقي صرخة إمامي و صرختي
******
لو عله امصابك غضب رب السماء...و الإمام المهدي يجريها بدماء
اشلون ما أقدم إله روحي فداء...ودي يكتب يا حسين ابتربتي
التعلیقات