ليلة سابع (مكتوبة) - جليل الكربلائي

قصيدة : ليلة سابع بهاي المسية

للشاعر : ناظم الحاشي

الرادود : الحاج ملا جلیل الکربلائي

ليلة سابع بهاي المسية...خل نعلق شمع للغاضرية
******
يا ناعي البين قلي من عبيهن...و أشوفهن و زينب من عبيهن
العباية تشدهن من عبيهن...أخاف اتطيع منهن هاشمية
******
عليمن شامت بفرقاك يحسين...بناتك بالهضم و الخوف يحسين
على صدرك تدوس الخيل يحسين...هذا الشمته الزهرة الزجية
******
الحزن بعدك يبو فاضل خيمنه...و لا والي البقه و لا من خيمنه
يا عباس حرقوهن خيمنه...البيدك نصبتهن عالوطية
******
مثل الشمع عودي سّلمني...سواد العين بالطف سلمني
المصايب للمصايب سلمني...امناوب و الشمر يفتر عليه
******
وينك يالجنت لهلك وقلهم...ولاجنك كبير إلهم وقلهم
تمنيتك عدل بويه و أقلهم...أصيحن حيدره لليمر عليه
******
بربيعج ليش عفتينه يزهره...و ريق اعداج من غيرج يزهره
جسم حسين ظل عاري يزهره...و راسه اعله الرمح و آنا سبية
******
ايتلايم غيم حزني عليّ سمعاي...و بعد حسين صار الماي سمعاي
أمس صوت الهوه ما يمر سمعاي...و عِله صوت الشمر هسه عليه
******
يقلبي امنين اجاك اليوم طفلاك...و جم نور اعله نور الوجه طفلاك
خويه حسين قطعوا راس طفلاك...و عله نحرك صبر ماتت رقيه
******
وينك يالعليَّ اسنين ظليت...عميت و للدرب بجفاك ظليت
علي بويه غريبه اليوم ظليت...خذوني اميسره و مشدوده ايديه
******
يعمه الكون يسجد من أذاني...و خوله بغير رحمه من أذاني
التراجي حيل جرهن من أذاني...و غدن يجري دمه و يضحك عليه