راعي الشدايد (مكتوبة) - جليل الكربلائي
منذ ٧ سنوات٢٤٩مشاهده
قصيدة : راعـي الـشدايد وينه
للشاعر : السيد سعيد الصافي الرميثي
الرادود : الحاج ملا جلیل الکربلائي
راعـي الـشدايد وينه ،، خل يجي لدفن حسينه ،، خل يجي لدفن حسينه
******
ويـن الـي يـتـسمى حامي الجيران ...جاوينه الحضر ساعة دفن سلمان
هـذا حـسـيـن شبله موسد التربان...وثالث يوم جسمه بعازة الدفان
خـل يـقـعد بعينه يشوف ,, أهل الردى مسلبينه ,, أهل الردى مسلبينه
راعـي الـشدايد وينه ،، خل يجي لدفن حسينه ،، خل يجي لدفن حسينه
******
وجـه لـلـنجف وجه علي السجاد...يا حامي الدخيل و مقصد الوفاد
إلـمـثلك ياعلي بهذا الوقت ينراد...ياجدي لوحدي شلون ادفن الأجساد
هـذا سـمـيـك يـنـخـاك ,, مـنك يريد تعينه ,, منك يريد تعينه
راعـي الـشدايد وينه ،، خل يجي لدفن حسينه ،، خل يجي لدفن حسينه
******
طـر قـبـرك يـاجـدي لـكربله تعنى...بويه حيرني ابوي شلون ادفننه
يـجـدي ولا بـقـى سـالم كتر منه...مرمي اعلى الوجه وشلون اقلبنه
مـتـحـير يلمه شلون ,, جسمه الذي مقطعينه ,, جسمه الذي مقطعينه
راعـي الـشدايد وينه ،، خل يجي لدفن حسينه ،، خل يجي لدفن حسينه
******
حـالـة الـبيها احس صبري وصل حده...من عادة الميت لو وصل لحده
يـتـخـلى على تراب اللحد خده...أوسده شلون أبوي وراس ما عنده
مـن نـحـره لـن أسـمـع صـوت ,, يصعب تعيينه ,, يصعب تعيينه
راعـي الـشدايد وينه ،، خل يجي لدفن حسينه ،، خل يجي لدفن حسينه
******
يقلي يا علي كف دمعك اليجري ...و خل صبرك يا باقي أهلي مثل صبري
يـا ابـني و من توسدني على قبري...و عبد الله رضيع يوسده يم صدري
مـن يـطـر قـبـري الموعود ,, ينظر رضيع بعينه ,, ينظر رضيع بعينه
راعـي الـشدايد وينه ،، خل يجي لدفن حسينه ،، خل يجي لدفن حسينه
******
دفـنـت حسين ابوي و جملة اصحابه ...و جسام الشباب بدمعة سجابة
و الـهـيـج ابـقـلبي ونة امصابه...علي الأكبر أخوي اليضهد صوابه
مـثـل الـرسـول المختار ,, هذا الذي مشبهبنه ,, هذا الذي مشبهبنه
راعـي الـشدايد وينه ،، خل يجي لدفن حسينه ،، خل يجي لدفن حسينه
التعلیقات