سبع الگنطرة

قصیدة : عاشت ايمينك يسبع القنطرة

الشاعر : علي الخفاجي

 الرادود : الحاج ملا جلیل الکربلائي

 

عاشت ايمينك يسبع القنطرة
******
انت غيرة علي بوادي كربله...و هله بزودك يبو فاضل يا هله
امن الزغر لاقت عليك المرجله...و انت راعي الجود كلك مفخره
******
يا بو فاضل انت حماي الضعن...شيدت بجفوفك الطاحن وطن
و المراجل بس الك بالطف حلن...مثّلت بالكون حملة حيدره
******
بعده جودك يجري بتراب الطفوف...و يا جفوف التوصل الهاي الجفوف
و يا هو مثلك سيدي اتهابه السيوف...و منك اجيوش الأعادي حايره
******
سجلت بدماك أشرف ملحمه...و انت كلك من علي حامي الحمه
يا بو فاضل و انت راعي الموزمه...يا فخر أم البنين الطاهره
******
جانت العزة يبو الغيرة بيديك...و احنه طول الدهر نبقه نعتنيك
سيدي و راياتنا اترفرف تجيك...بطل و التاريخ مجدك صوّره
******
يا ضمير الدنيه يا راعي العلم...و الخلود الرايتك شفته ابتسم
الغيرك أبداً ما قلت جلمة نعم...لأن درب حسين درب المغفرة
******
انت راعي الجود كلك معجزات...امن الولادة سيدي الحد الممات
متت ضامي و ما شربت من الفرات...و بيك ساحات الشهادة امنورة
******
عالخطر لجلك يبو الكلفة نفوت...يبقه حبنه لو ألف موتة نموت
يبقه صوتك يا بو فاضل أعله صوت...و لجلك اعيون الكرامة ساهرة