طف قرآني (مكتوبة) - عمار الكناني

 

 

راح اقـــرالك طــف قـــرآني
وابدي بسورة روس اخواني
يامن اعطـــيتنه الكـــــــوثر
انا اعطـــيــناك المــــنحــــر
يارب .. يارب

انه من اقـنت اعـصر غيمـة
واسجد ماي ابحلگ الخيمة .. انه العباس
انه الجنــدي وانـــت القائد
انت الاحد وانــه الواحــــد .. بـين الناس
تدري ابعباس اشـــــيحلاله
تسبيح ابروس الخـــــــيالة .. راس براس

كل الفرض الواجب صليـته
حته استحـبـــابك ســويته
بس الخوف اعذرني اعليها
ماخـــايف حــته امصــليها
يارب .. يارب

من روحك نافخلي بسـيفي
وكلشي بكيفك صار بكيفي .. حسين يگول
تباهي بأملاكك بحســاسي
وتگلهم شوفــــو عــــباسي .. شلون يصول
بس انت الخالق انفــــاسي
تگدر يارب تاخــــــذ راسي .. وطولي تنول

انه الحــير جـــــبرائيـــــلك
وانه البــلطــف عزائيـــــلك
وانه المرسى وانه الجـودي
شايل عرشك فــوگ زنودي
يارب .. يارب

للحـــوت وحيــــدر وداني
ويونس طلــعته بذرعــاني .. من الجوف
اطلب مــنك زينب تحــفظ
وانه اذبحلك جيش مغمض .. وبلا شوف
ناقة صالح صح ذبحــــوها
بس ناقة زينب حـــــــنوها .. من الخوف

ابساط سلـيمان انه الشـلته
وفرعون الجربة امغرگـــته
مو عصى الدقت ناقــوسى
اصبع من چف العد موسى
يارب .. يارب

اتقــدم عالجـــيش بهـــيدة
طبع الصــياد اويالصــــيدة .. وين يـروح
مذبوح اليـــــوگف گدامــي
والشارد ساحگته اجدامــي .. ظل مطروح
من الخوف الجندي يناديني
يبو فاضل يمكن ناســـــيني .. ما مذبــوح

وارفع ايدي وألزم نجـــــمة
وبيها ارمي الخيل المنهزمة
سيفي امجمع روس القـادة
ومسوي الكل خيمة گــلادة
يارب .. يارب

ابليــــسك بيــمن خــــوفته
عباسك واگف مــن شـــفته .. صاح دخيل
لو راخصني وگــايل سـكته
چا ضيع حلــگه وخورسـته .. وفنه يعيل
ومو يسجد لآدم خلــــــيته
يحب رجله ويخدمله ابيته .. بالتـــذليل

اخزر اجرح ازمــخ اكــتل
منلگاع اطلع منفوگ انزل
كل أصبـع بالچف بي رايه
وهمه شويه وانه اهــوايه
يارب .. يارب

للشاعر علي عويز الشويلي