تاج العرش (مكتوبة) - قحطان البديري

 

 

یا تاج العرش لیش انسلب تاجك
یالهجرك جرح مثل الهوه احتاجك
اجاني اللیل اجاني اللیل
اجاني اللیل و اشتاگیت لعیونك

أعتذر مرات من أعتب و أئذّیك
فرصه عندي اللیل بي أگعد و أحاچیك
أحچي وي راسك و أگله اشبیك مابیك
امن الرمح إنزل یبعد إختك أداویك

تحچي امن النحر و اعیونك اتصدلي
اشلونچ عالسبي یا زینب اتگلي
وصیحن لا وصیحن لا
وصیحن لا یا غالي انت الشلونك

مو سوالف أگضي لیلي دمعه و إحساس
أحچي بالنظرات و أحذر تسمع الناس
اللیل کله اویاك أحچي و انت بس راس
آه یالجسمك نظرته بخیل ینداس

جسمك عالرمل و ابلا دفن عفته
منو مثلك نحر بس گلبه یم إخته
وحگ عیناك وحگ عیناك
وحگ عیناك أبد ماعیش من دونك

انت یا أکثر بشر بالناس أحبه
یاهو مثلك منذبح و اعلیه گلبه
نحرك اویه الشمر یحچي واللّه صعبه
متن زینب عوفه و لراسي إضربه

من سوطه الشمر خله العبا تبچي
و انت اعلی الرمح بس نظرتك تحچي
یبو الیمه یبو الیمه
یبو الیمه السهر ما نام بجفونك

امن السبي تتعب أراملنه و الأیتام
و آنه وي راسك أظل سهرانه ما نام
خویه شوف اشلون من تندار الأیام
ابیا زمن مسبیه بین الکوفه و الشام

آخ امن الدهر وداني مسبیه
و اجروحك عفتها ألف و تسع میه
ابهظم حالي ابهظم حالي
ابهظم حالي آنه أدري انخطف لونك

قصة امصابي بعد عینك ألیمه
و أرد أسولفلك بعد عندي هظیمه
وین نغفه بالسبي ماعدنا خیمه
اشما أنیّملي یتیمه اتفز یتیمه

ویلا یالسبي لیله یعذبني
هاي اللي تصیّح خویه او هذیچ إبني
حرام أرتاح حرام أرتاح
حرام أرتاح و احتاریت بظعونك

ما أعیشن ریت و أیامي گصیره
اوداعتك یبن أمي ضیّعت البصیره
وین چانت لي گبل أمشي أسیره
دوّرت بوجوههم ماشفت غیره

بالدیوان أطب ما تخطر إبالي
یزید بقصره یتشمت علی حالي
عَلَي تبچي عَلَي تبچي
عَلَي تبچي و أحاذر لا یسمعونك

للشاعر: كرار حسين الكربلائي