سيد العالم تظل
منذ 8 سنوات
٧٨٧
قصيدة : سيد العالم تظل
الشاعر : سليم الغزالي
الرادود : الحاج ملا باسم الكربلائي
المناسبة : ليلة ٣ محرم ١٤٣٩ العاشور
طور : رافضي_حيدري
یاحسین یاحسین سیدي العالم تظل
منک العالم تعلم والدلیل
ابمدرسة طفک عبرت المستحیل
ما رضیت الکربله ادور بدیل
قدمت کل شي وقلت لله القلیل
الکرم الکرم بین ابوجه الخجل
******
اهواي کتبوا عنک ارباب الشعر
لسه ما وصفو من طفک شبر
آنه عمري اسیوف لو ردت انشهر
وجه کل احچاي تجرح بالخدر
حیدري حیدري من الأزل
******
انته قبلي وماوراء ارض الطفوف
لغة نحرك کسرت اعیون السیوف
طفک اکبر من مضامین الحروف
الما یحس بجروح گلبک ما یشوف
نظرتي نظرتي ترسم اشواک وغزل
******
انته فوگ من المشاعر والخیال
لا جواب الیحتویک ولا سوال
لو قریت اسمک علی اطواد الجبال
کل کتر یتشظه منها اعلی الرمال
اعتقد اعتقد مصحفي ایصدع الجبل
******
لولا انته ماکو بالدنیه سلام
لا اشوف ابراحته ایطیر الحمام
یا امامي ویا إمامي ویا امام
آنه اصلي اعلیک حتی بالمنام
ابیقضتي ابیقضتي اقرا هذا المستهل
******
العالم بحضرة مصابک منذهل
کل مصیبه اهلال عاشورک یهل
احچایتي من اسنین عن قول وفعل
ما أمل من الشعائر ما امل
العزاء العزاء شوکة بعیون الجهل
******
الما عرف طفک علیمن یعتمد
من یموت امنیته للدنیه یرد
ابحسره یبقه لو صدر امر البعد
من جنانک یحلم ایشد الورد
بکل مکان بکل مکان ادخیل یاخیر العمل
