سلام عالحره واخوتها
قصيدة : سلام عالحره واخوتها
الشاعر : سليم الغزالي
الرادود : الحاج ملا باسم الكربلائي
المناسبة : ليلة ٢٠ محرم ١٤٣٩ العاشور
سلام عالحرة و اخوتها
كتاب ما يروي قصتها
******
بعيوني زينب مو دمع حِنيّة
الله اصطفاها من عوالم ضَيّه
بثورة حجاب و أسست حُريّة
محتارة بيها لسه الانسانية
شرف .. ما تبع رايتها
كتاب .. مايروي قصتها
******
سر الجلالة من الأزل إفهمها
تِفهمها چي رب العرش فَهّمها
تدري اليجي و يروح و المو يمها
ما عندها بالدنيا شبه بس أمها
مصاب .. تلقى بمصيبتها
كتاب .. ما يروي قصتها
******
هي سلام الله عليها الحُرّة
الله وهبها قُدرة فوق القُدرة
من شافت إخوتها جثث عالغبرة
لايتامها و للنوح صارت حَضرة
عتاب .. ترسم لي غربتها
كتاب .. ما يروي قصتها
******
منها الشرف ماخذ وِقار ايامه
وبسدها ياما اثمرت احلامه
لو ما صبرها و السبي و احكامه
چا ما رفعناها بكرامه الهامة
جواب .. هيبتنا هيبتها
كتاب .. ما يروي قصتها
******
من أبْحِر بعالمها روح تسافر
العاشور و عيوني تشوف العاشر
لحسين هي أول و آخر ناصر
والله ومواقفها جِزت چم باچر
تراب .. شَرّفنا خطوتها
كتاب .. ما يروي قصتها
******
زينب ربيع سنينَّا و ايامنا
نجرحها بحجاية تدفن اقلامنا
آلامها شما تستمر آلامنا
بـ لبيكِ يا زينب ترف اعلامنا
شباب .. نموت على حضرتها
كتاب .. ما يروي قصتها
التعلیقات