ثار البتول
القصيدة : ثار البتول
الشاعر : ناظم الحاشي
الرادود : الحاج ملا باسم الكربلائي
طور : على_محمد_واويلاه
ليلة ١٩ جمادى الأول ١٤٣٩هـ البصرة
ثار البتول شلون انساه
******
قرب ظهوري و اطلب الثار
و الباب بعده مشتعل نار
اشهد على الظالم يبسمار
ما ماتت الزهراء لولاه
******
ما يبقه هذا دوم الغياب
و انه بظهوري يبدي الحساب
و الايد اقصها الدفعت الباب
و الثاني يندم على السواه
******
ما اخلي ضلع الزهره مكسور
و لا اخلي دم حسين مهدور
اظهر و ارجع ثار عاشور
عباس ارد يسراه و يمناه
******
هيهات عيني تاخذ النوم
و الحسن قبره باقي مهدوم
ما اخلي حكم الظالم يدوم
اظهر و ظلمه ينتهي وياه
******
قبر امي فاطم لازم ابنيه
كل شيعي قبر الزهره ادليه
ننصب عزاء ام الحسن بيه
و نصيح قبر الزهره زرناه
******
ابني البقيع و لازم يعود
قبة و مناير و اني موجود
المهدي اني و شيعتي جنود
كلمن تحدانه نتحداه
******
اتعنه زينب والله للشام
ياللي سهرتي ايام و ايام
هالمرة عينج واجب تنام
ابنج المهدي الثار رداه
******
يالقلتوا بدعة المهدي تدرون
من عندي باجر ما تخلصون
كلمن نكرني هذا ملعون
ويه السقيفة النار مثواه
التعلیقات