اقيموهه شعائركم
قصيدة : أقيموها شعائركم
للشاعر : حسام الحمزاوي
ليلة ٢ جمادى الثاني ١٤٣٩هـ _ بغداد
اقيموها شعائركم ادفنوني بمشاعركم
******
من قبري اجيكم واحضر اللطميه
العنده حاجه بمجلسي مقضيه
ما أقدر الطم بالعزه عليه
يلجمني ضلعي لو شلت إديّه
تشوفوني مثل امكم
ادفنوني بمشاعركم
******
اثمنطعش عمري ولا رحموني
ما شبعن من اولادي شوف عيوني
لو شلتو اديكم للطم ذكروني
محسن يشاقف عني من عصروني
التهديني مجالسكم
ادفنوني بمشاعركم
******
ظلموني وانه امكم صعب موضوعي
مو سهله ترباتي تغسله ادموعي
لا مو خدم ! انتم بدال اشموعي
لو صحتو يازهراء تطيب اظلوعي
مثل ضايع ادوركم
ادفنوني بمشاعركم
******
انه امكم وحرموني من بنيني
من كد حقدهم ما سلم جنيني
لمن طحت بولادي ظل ونيني
هذا لطمكم يمحي سطرة عيني
راحة بالي شوفتكم
ادفنوني بمشاعركم
******
وانه وعلي و طه العزاء انقوده
كل دمعه باجر بالحشر محسوده
والمهدي يطلع والغياره جنوده
يابا الفضل لو صحتو ينسه ازنوده
رسول الله يقول الكم
ادفنوني بمشاعركم
******
اتمنه اسَّمِّعْكم شكو بخيالي
صوت الضلوع المايفارق بالي
لمن طحت عيني تصد لعيالي
هظموني قامو غالي يشبق غالي
عمت عيني لمدامعكم
ادفنوني بمشاعركم
******
تخدموني باجر بيدي ارد الخدمه
الماعنده ام بالعازه آني امه
ومحسن تشوفوه بالمواقف زلمه
من الله دمعتكم عليه نعمه
انه وياكم واعاهدكم
ادفنوني بمشاعركم
التعلیقات