طيف منك (مكتوبة) - باسم الكربلائي
منذ ٦ سنوات٣٣٤مشاهده
القصيدة : طيف منك
الشاعر : عمار هليل الواسطي
الرادود : الحاج ملا باسم الكربلائي
المناسبة : عن العليلة
الزمن : ليلة 3 محرم 1440 هـ
طور : يمته_سيفك
هيئة شباب علي الأكبر - لندن
طيف منك لو تشاهد عيني
ارد اقله الكربلا وديني
*****
ياللي صارت شوفتك بس بالحلم
بيش اشد الحيل لمّن ينهدم
حسرتي عالخد مدامع تنرسم
و الهجر يا واليدي ياذيني
*****
ياللي اخذت الروح وياك و رحت
بغير اسمك يا حبيبي ما صاحت
بويه شيبني البعد قد ما نحت
نار هجرك بالقلب تجويني
*****
تسعر النار و جمر مدمع العين
انته تدري شقد احبك يا حسين
وين جاوبني رحت يا بويه وين
تيمت عقبك يغالي سنيني
*****
سنيني حزنانه يبويه و انتظر
علمت حتى الصبر معنى الصبر
يا هو يوصل كربله انطيه العمر
فدوة يامن شوفتك تحيني
*****
هواي مشتاقه الك يا والدي
يبدي ليلي و حسرتي من تبتدي
بويه وبروحي القدومك افتدي
ما اضنك يالأبو ناسيني
*****
روحي بعيوني عليك معلمه
لا هو طبعك تنسى بنتك فاطمة
دمعتي يا والدي سالت دمه
انتظر يا مهجتي توافيني
التعلیقات