ملف صوتی مهدينه من يظهر بصوت باسم الكربلائي

القصيدة : مهدينه من يظهر

️الشاعر : عمار هليل الواسطي

المناسبة : الليالي الفاطمية 1440

مهدينه من يظهر

الكسر الضلع يثأر

ثار النبي وحيدر

يزهراء ... يزهراء

*****️

من يظهر القائم ... دولةْ عدل راسم

ما يبقه كل ظالم ... أمره أمر حاسم

واعله الثأر عازم ... والشيعه تتبشر

يزهراء ... يزهراء

*****️

مولاتي يالزهره ... والقائم بأمره

الثارچ نذر عمره ... نصر العدل نصره

ويرجّع السطره ... يصفع وجوه الشر

يزهراء ... يزهراء

*****️

عن فعلةْ الثاني ... ظل صابر إمتاني

چي أمره رباني ... والمهدي عنواني

والقاصي والداني ... يحضّر إذا كبّر

يزهراء ... يزهراء

*****️

ضلعچ يظل شاهد ... والمنتظر قائد

يعرف شكو حاقد ... واحد وره واحد

والباقي والشارد ... يتحاسب ويحضر

يزهراء ... يزهراء

*****️

سيف العدل سيفه ... ابكيف اللّه وبكيفه

ياخذ بعد حيفه ... من ربنا تكليفه

وللباري تشريفه ... لآل النبي الأطهر

يزهراء ... يزهراء

*****️

يكشف على گبرچ ... نصره كتب نصرچ

عمره فده العمرچ ... وبطلْعِته يسرّچ

هذا عَوَض صبرچ ... مولاتي يالكوثر

يزهراء ... يزهراء

*****️

صح الگلب ذايب ... بس ربّچ الكاتب

من يظهر الغايب ... للحاقد يحاسب

هذا أقل واجب ... من الأمل يكبر

يزهراء ... يزهراء