صاح الحسن (مكتوبة) - باسم الكربلائي

قصيدة : صاح الحسن
للشاعر : سجاد علاء المحمداوي
 المناسبة : رثاء الامام الحسن (ع)

طور : جنازة_غريبة
ليلة 6 صفر 1440 | آل بلاغي

صاح اِلحَسَن ودموعَة مَذروفـه
شِيلُوا اِلطَشِت لازينـب إِتشوفـه
?????
شِيلوا الطَـشِت يَحبابِي من عِندي
شِيصَبُر إختِـي اُو هالگِـرَبّ وعدي
ماتـحِتِـمِـل لــو شـاهِــدَت چَبـدي
وإعّـلَيَـــة أدري اِهــــواي مــلهوفه
?????
مفجوعــة زينـب بية مـفجوعــــه
يمكــن بـَـعَـــد ماشايِفَــة اللوعــه
اِتشوف اِلحُسين اِمهَشِمَة اِضلوعه
مِن كِل جِهَة اِسيوف العدو إتحوفه
?????
لو هسة زينب بيـة مــحــتــارة
باچـــر مُخَيَمّـهَــة يِشِب نـــارة
إيقَدِم گُمَرهة إيـمِينة وإيسارة
اِلكافل لأجلهة اِيضحي بإچفوفه
?????
ايِساعِد گلُبـهَــة اِلعــاش يِتعذَب
يايوم زينَـب مـَرهَـة مــا تِنحـــب
بـاچر خِــدرهة وسفة يِــتسَلَــب
مَسبِية زينب تِدخِل اِلكوفه
?????
وين الزمــان اِيـريـد بيهة اِيـدور
والفاگِدَة إتعِيش إبجِنح مكسور
مَرة چبـــد مَــرة تِشوف إنحـور
حَگهَة الدمع ماتِگَدَر اِتعوفه
?????
حَگهَــة الدمع هُوَة اِليسَلِيهَا
باچــر تِشاهِــد روس أَهاليها
فوگ الرماح اُو شِمِر يِسبِيهَا
والعَسكر إيحاوِطهَة بإصفوفه