حبيتكم (مكتوبة) - باسم الكربلائي

 

 

حبّيتكم .. حُب ما اله ثاني
حبّيتكم .. من كلبي والساني
حبّيتكم .. بجنون عقلاني
حبيتكم حبيتكم

ياهو كال الگلب ما يكدر عله اثنين
آنه كلبي عاشگ العباس وحسين
بوقت واحد افتخر حبيت مرتين
صح اسافر جسد لاكن يمكم العين
ناديتكم .. من النفس اقرب
ناديتكم .. بكد ما بچت زينب
ناديتكم .. من صار وجداني
حبيتكم حبيتكم

عمري يمكم يخلص وبيكم عزائي
ومو شرط من كربلاء الكربلائي
اعظم ايات الرجوله في بكائي
مشترينه بدمكم الغالي دمائي
خليتكم .. مثل الحرز عندي
خليتكم .. من هسه للمهدي
خليتكم .. وحبكم الخلاني
حبيتكم حبيتكم

البيده ماس شما تكول الناس جمره
ما يهدهه لان هو شبيده ادره
بكلبي تبقه امنياتي وعندي حسره
اوجوهكم بالطيف اشوفن ردت مره
بوجوهكم .. لو صارت اعيوني
بوجوهكم .. الوادم يحسدوني
بوجوهكم .. الوان الواني
حبيتكم حبيتكم

ناح يعكوب ورجع شوفه بملابس
وانه يرجع شوفي من احضر مجالس
بكلبي احسب من تجي اثنين العوابس
عابس حسين واكو لعباس عابس
مجنونكم .. بس العقل شايل
مجنونكم .. ساقيني ابو فاضل
مجنونكم .. والنوح قرآني
حبيتكم حبيتكم

الما يعرفك ما يثمنك كالو الناس
وانه اعرف حبكم شكد يرفع الراس
بحاجتي ما ادك غير ابواب عباس
وبالحسين اطلب شفاعه بآخر انفاس
ويّاكم .. ما عندي كل غايه
ويّاكم .. وكل وادمي اويايه
وياكم .. تتقدر اثماني
حبيتكم حبيتكم

الدنيه ما غرّتني بسمي والحچي اهواي
حالي من حال اليوزع عالخدم ماي
خادم لخدامكم آنه اكتفي بهاي
وما اريد اوياي واحد انتم اوياي
بحماكم .. كاتب وقف اسمي
بحماكم .. وبكل وكت يمي
بحماكم .. هذا آنه ايماني
حبيتكم حبيتكم

اخر احجايه ارد واصرخ احبكم
تنكطع رجلي اذا اترك دربكم
لخاطر الزهراء خلوني بقربكم
ما اريد الجنه اريد ادخل گلبكم
واليتكم .. مملوك كل عمري
واليتكم .. اوياكم اضل اجري
واليتكم .. والصوت بآذاني

للشاعر : حمزة السماوي