للإمام الجواد (مكتوبة) - باسم الكربلائي

 

 

للامام الجواد
هذا يوم الحداد

هالليله ليلة عاشر إنسمّيها
كل عين واجب عالتقي إنبچيّها
جمرة حزنّه ادموعنه اطفّيها
وام الحسن بالفاجعه انعزّيها
بالدمع والسَواد
هذا يوم الحداد

طبع البحر معروف حدّه اوجوده
بس بحر جودك ماعرفنه احدوده
مثل الحسن جدك الك مشهوده
ميّت او ايدك للكرم ممدوده
لكَ باب المراد
هذا يوم الحداد

هذا الكلام ابكل شجاعه انگوله
تبقه النواصب كل زمن مذلوله
موت الجواد اوقصته مامجهوله
دولة بني العباس إهي المسؤوله
والله عدنه اعتقاد
هذا يوم الحداد

بَعدَك شباب اوشمعِتَك طفّوهه
لكن شمس گبتك فلا دفنوهه
بُدعَه الشعائر بالحقِد وصفوهه
ورغماً عليهم شيعِتك قاموهه
للطفوف امتداد
هذا يوم الحداد

كل شيعي حُبك يجري ويه أنفاسه
وعيونك انته ابكل زمن حرّاسه
إحساسه بيك اوبيك كل إحساسه
وانته اوخِدِمتك تبقه رَفعَة راسه
ياملاذ العباد
هذا يوم الحداد

واليحچي ضدنه اوبالعَلَن عادانه
لازم يمر يوم اونگّص السانه
خسرانه كل العادتك خسرانه
مو مِنّه والله المايصير اويانه
يلّي حُبّك جهاد
هذا يوم الحداد

يامن تِذِم بالمنبر اوخِدّامه
قوسك ذليل اوماتهمنه إسهامه
لاموحُسيني الحرگ گلب إيمامه
چن شاعل النيران وَسْطْ إخيامه
ياعذر بالمعاد
هذا يوم الحداد

للشاعر : ناظم الحاشي