شفته بحلم (مكتوبة) - جليل الكربلائي
منذ ٤ سنوات٢٤٨مشاهده
قصيدة : شفته بحلم
للشاعر : ميرزا عادل أشكناني
الرادود : الحاج ملا جلیل الکربلائی
شفته بحلم...يضوي خرابتنه نجم
شفته بحلم...ایعاین علیه مبتسم
شفته بحلم...بس شفته راس ابلا جسم...شفته بحلم
******
عمه يا زينب أبويه حسين شفته...بالحلم بس راس إجه بحضني و شبقته
بنظرتي الأوله يا عمه ما عرفته...اهواي متغير عليَّ من نظرته
ذاك الوجه...ذاك الوجه...متخضب بفيض الدمه
ذاك الوجه...ذاك الوجه...ذابت شفاه من الضمه
ذاك الوجه...ذاك الوجه...موضع جبينه منهشم...شفته بحلم
*******
شفته بحلم...يضوي خرابتنه نجم
شفته بحلم...ایعاین علیه مبتسم
شفته بحلم...بس شفته راس ابلا جسم...شفته بحلم
******
راسه من شفته افتحت بجفوفي عينه...اسألته وهوه رد عليَّ من وتينه
قلت له راسك هذا بس الجسم وينه...قلي جسمي بالسيوف امقطعينه
عفت الجسم...عفت الجسم...من النحر دمه يسح
عفت الجسم...عفت الجسم...بألف و تسعمية جرح
عفت الجسم...عفت الجسم...عالغبره مسلوب الهدم...شفته بحلم
******
شفته بحلم...يضوي خرابتنه نجم
شفته بحلم...ایعاین علیه مبتسم
شفته بحلم...بس شفته راس ابلا جسم...شفته بحلم
******
شفته يا عمه لجن لمن إجاني...قام ينظرني و غده يهمس بأذاني
قلي آنه أدري مشتاقه الحناني...و هاي آخر ليلة دلالج يعاني
بس هالمسه...بس هالمسه...دلالج يشوف التعب
بس هالمسه...بس هالمسه...و الملتقه بطشت الذهب
بس هالمسه...بس هالمسه...تاليها جرحج يلتئم...شفته بحلم
******
شفته بحلم...يضوي خرابتنه نجم
شفته بحلم...ایعاین علیه مبتسم
شفته بحلم...بس شفته راس ابلا جسم...شفته بحلم
******
آنه من شفته نسه قلبي عتابه...قلت له قرت عيني من شفتك ييابه
يا هله بخطاري الطول غيابه...بجيتك يا بويه نوّرت الخرابه
وبجيته...وبجيته...يجبر دليلي المنكسر
وبجيته...وبجيته...راح أنسه خدي المنسطر
وبجيته وبجيته...أترك عتابي و المهم...شفته بحلم
******
شفته بحلم...يضوي خرابتنه نجم
شفته بحلم...ایعاین علیه مبتسم
شفته بحلم...بس شفته راس ابلا جسم...شفته بحلم
التعلیقات