جيشك حاضر (مكتوبة) - قحطان البديري

 

وحدک تامر .. جیشك حاضر
أمرك عالراس و عالعین
سیف و رایه .. اي وفّایه
تعرفنه انصارك یحسین

من سمعنا بگلب زینب خایف و دمعتها نار
صوت قائدنا حبیب ایفزّع و بعیونه ثار
امزاحم الرایات صار اباب خیمتها قرار
و احنه أهل نخوه و حمیّه و تدري دم الشیعي حار

یا بت حیدر یاهو الیگدر
یوصل یم باب الخیمه
منحر منحر مانتعذّر
دم نصبغ لون الهیمه

اویاك جیّة موت اجینه و المهم عدنه رضاك
انرید گدامك نموت اشعدنه باقین ابوراك
هذا جون و هذا عابس تدري مجنون ابهواك
و أعلی مرتبة الغرام اتضحّي للتهوه ابدماك

یبن الزهرا و انت الأدره
امجرّبنه و تدري البینه
کعبه انطوفك لا منعوفك
و احنه البیك انجنینه

یمته یطلع صبح باچر موعد العاشر یحین
نذر نتطشر اگبالك سامعین و طائعین
المیسره بیها حبیب و ابن قین اعله الیمین
الیختم اویه احسین عمره اتخلّد احروفه السنین

یتعنه الحر یمك ینصر
هالثوره ابکل مابیها
و اتعلمنا المُذنِب مِنا
اذنوبه بحبك یمحیها

الدنیا هیه اشبیها غیرك حتی تستاهل حیاة
ایعیش الیموت اعله حبك و الیعیش ابغیره مات
الله خالقنه اعله مودك منك اورثنا الصفات
یا إمامه و یا عقیده و یا ضمیر و یا صلاة

انت الثوره مو بس فطره
و عاهدناك احنه امن الذر
سیف انصارك یطلب ثارك
و اینادي ابـ حیـــدر حیــــدر

شرف من الباري النه اویاك یحسین الختام
امن الشهد موتتنه احله و دونك انصد السهام
انت ضامي و احنه نروه الماي من بعدك حرام
یا نهر من جنة الله و رحمة الله اعله الأنام

کلنه انعاهد واحد واحد
گدامك نرخص دمنه
لا و اعیونك حیره بدونك
غیرك مولاي اشعدنه

للشاعر: واثق العيساوي