رايد ملگه (مكتوبة) - قحطان البديري

 

 

گضّیت الطف کله اموادع
راید ملگه ایطیب اجروحي
یالاکبر احچیها اگبالك
لمّن تطلع تاخذ روحي

اَگبَل اعلیّه ابجماله و کل هله بگلبي انحچت
اتشوف بیه جدّي محمّد روحي للملگه ارکضت
گال بویه ارخصلي أمشي دمعتي اگباله انزلت
اهنا گلت رایح اولیدي و ساعة افراگه دِنَت

چلمة رایح آنه أکرهها
من یحچیها أحد من ناسي
لچمتها ابگلبي و ما راحت
لو گلتوها أذکر عبّـاسي

الابو ایتاني اولیده اگبال عینه ایصیر شاب
و حیل یفرح من یشوفه لابس اکبار الثیاب
و آنه الاکبر راید الطف و حیل أخاف امن الغیاب
لأن کل المشوا گبله صفوا نومه اعله التراب

لو ضمّیته ابّین اعیوني
الطف معروفات اسهامه
و عدواني اشلون أنظر لیهم
گدامي ایطشرون أحلامه

بعدك الیوگف اگبالي ایسولف بنفس الطلب
افراگك آنه یبني أشوفه و گمت أحسّنه گرب
شنسه من عندك فرحتي لو سهرنه و التعب
بکربلا یالولد تدري کلشي احبّنه انسلب

روح و حسّب آنه انتظرك
واگفلك حافي و بدموعي
بس انت الضلّیت اگبالي
یا آخر صفّه امن اضلوعي

العافیه و عیني و نظرها من طلع مني مشن
و شکو آیه اترجعه النه بگلب أمه اترتلن
و رجع لیّه و کلشي خضّر المن جفاه اتیبّسن
و طلب ماي و کل خواته دوّرن بس مالگن

عطشان و واگف گدامي
کلش صعبه ابّیش أرویه
خجلت روحي اگبال اولیدي
راید ماي امنین أنطیه

و رجع کرّرها العباره بویه رایح گتله وین
گال راجع آنه للطف الي یمه اهواي دین
عطّشاکم و آنه واگف اشلون تغمض لیّه عین
گتله مکتوبه علیّه آنه اودعك مرتین

رد لسالفته الما خلصت
و طاح و ظل رافعلي اچفوفه
و ابعیني أنظرهم عدواني
ذبحوا ابني و عیني اتشوفه

للشاعر محمد البطحاوي