أسمع ياظالم (مكتوبة) - جليل الكربلائي
منذ ٣ سنوات٢٧٧مشاهده
الرادود : الحاج ملا جلیل الکربلائي
مـن طـف كـربـلـه الباري إختار اتراب طينتنه
و انـعـجـنـت ابدم احسين و صارت سر محبتنه
أنـصـارك أنـصـارك .... اسـمع صرخة أنصارك
******
و احـنـه ابـظـلـمة الأرحام مرت بينه لمعة نور
و مـنـهـا اتكحلت كل عين بالرحمه و ذنب مغفور
و الـسـر الـيـغـذيـنه بين الرحم تسع اشهور
حـب الـوصي و اولاده و بعضانه ويَ دمنه ايدور
و لـمـن لـلـقـلب يصعد انحس بالدم يقوم ايفور
يـتـوقـد ابـجـمـرة ثـار ثار الضامي المنحور
اشهور الحمل من خلصت .... و امنه ابساعة الطلقت
صــاحــت يــا عــلــي اتـنـخـت
و بـإسـم الـوصي اسمعنه .... ابيوم الأمنه حابتنه
******
و بـرعـمـنـه ابربيع الحب مثل ما اتبرعم الشجره
و فـتـح كـل غـصـن بينه و قام ايفوح بعطره
و أصـبـح كـل مـحب يشتم ريحة هيبته و قدره
و هـذا الـقدر فضله ايعود الأصل الطينه و الفطره
و يـا طـيـب لـبـن بـينه الأمهم ما نذر عمره
و نـهتز لو ذكرنه اثنين .... الزهره و الذبيح احسين
و تــخــشــع بـالـبـواجـي الـعـيـن
و حـسـيـنـه ابمصايبهم .... ابدمعة امنه رضعتنه
******
مـوبـس لـلـحـزن تجري هاي الدمعه دمعة ثار
مـاي الـشـرف مـنـبعها و بيها للشفاعه أسرار
و اعـلـيـنـه اشـكثر مرة من أهل الظلم أدوار
مـا قـدرت تـطـفـيـهـا و ملتهبه المشاعر نار
و الـنـاس ابـجـوار احـسين وصلت قمة الإيثار
مصفوفه الرقاب اصفوف .... و ترسم بدماها اسيوف
أجــســاد اعــتــنـت لـلـطـفـوف
اسـيوف اللي تقص ارقاب .... سجدت لعد غيرتنه
******
مـا يـبـس لـسـان الثار يا حسين و غدير اسمك
انـت امـرايـة الـوجدان اصبي ابكل نظر رسمك
و نـلـمـس كـل عزيمتنه من شيمتك من عزمك
بـوسـام الـعـرش الله يـبـن الـمرتضه اموسمك
نـبـقه حرب وي حربك و روضة سلم وي سلمك
و شـفـنـه خـدمتك بيها عزه الكل من ايخدمك
يـالـخـدمتك إلنه اوسام .... نبقه احنه الك خدام
ثـوره و تـرفـض الـظـلام
دنـيـه و آخـره يـا حسين .... للمنجه سفينتنه
التعلیقات