هذه حالت رقيه (مكتوبة) - جليل الكربلائي
منذ ٣ سنوات٢٨٦مشاهده
الرادود : الحاج ملا جلیل الکربلائي
بـالـحـزن تـوصي العليله هذا مضمون الوصيه
اتـنـادي واجـب هـالمدامع تجري للطفله رقيه
هــذي حــالــتــهــا رقــيــه
******
هـالـعـلـيـلـه اتقول آنه أهلي لمن فارقوني
قـبـل مـا يـمـشي ظعنهم ودعوني و صبروني
قـالـوا احـنـه اردود نـرجع و بأملهم أملوني
ابـكـل حـفاوه ودعوني و مسحوا ادموع الجريه
******
لاجـن الـطـفـله رقيه سلكت ادروب النوايب
مـشـتـت لـلطف بدربها اتحملت كل المتاعب
و حـين وصلت بالضعينه الكربله شافت مصايب
طـفـلـه و اتـحـمل قلبها كل مآسي الغاضريه
******
آنـه حـيـن الودعوني والدي ضمني اعله صدره
و قـال أرجـع يـالـعليله و مبتشر عيني تنظره
لاجـن الـطـفـلـه رقيه شافت المقطوع نحره
و عـالرمح شاهدت راسه و جسمه عالغبره رميه
******
آنـه بـالـتـوديـع عـيني شافت العباس عمي
مـسـح بـجـفوفه دمعتي و زال عن القلب همي
لاجـن الـطـفـله رقيه شافته اعله النهر مرمي
و عـالـثره اجفوفه و تصوب ناظره ابسهم الرزيه
******
آنـه قـبـل الـسفر يمي شاهدت حاضر الأكبر
نـاده يـا اخـتي يا العليله نرجع و بالرجعه بشر
لاجـن الـطـفـلـه رقـيه اقبالها الأكبر توذر
اشـحـالـهـا الـتنظر إخوها ينذبح أول ضحيه
******
آنـه قـبـل الـسفر جاسم ثبت الروحي عزمها
و قـال اصـبـري يالعليله و فرحته ابعيني رسمها
لاجـن اخـتي الطفله شافت عالترب دم ابن عمها
طـفـوا شـمـعـة عرسه و ايده اتحنت بدم المنيه
******
آنـه جـيـت الـمهد أخويه و للطفل قبلت ايده
و أخذوا اويه الظعن مهده و ما شفت قطعت وريده
لاجـن اختي اهناك شافت هالطفل مقطوع جيده
و سـمـعت أم الطفل تصرخ راح عبدالله من ايديه
******
آنـه ظـلـيـت أتـنـظرهم و المهجتي امأمليها
مـا شـفـت أجـساد بالطف بالدموم امغسليها
و لا شـفـت فوق العواسل روس أهلنه شايليها
و مـا رحـت ويـه الضعينه الديرة الكوفه سبيه
******
مـا رحـت للشام آنه و لا شفت هالروس لاحت
لاجـن الـطـفـلـه رقيه باليسر للشام راحت
و اعـله راس حسين ماتت عقب ما ونت و ناحت
الـواجـب اعـلـيها النوايح و البواجي مو عليه
التعلیقات