ليلة المصايب (مكتوبة) - جليل الكربلائي
منذ ٣ سنوات٤٨٠مشاهده
الرادود : الحاج ملا جلیل الکربلائي
هـالـلـيـلـه تـوديع العايله .... و العالم أظلم يا كربله
لــيــلــة مـصـايـب .... بـاجـر حـرايـب
و الــعــالــم أظــلــم يــا كــربــلـه
******
هـالليله هاشم جمعت شملها .... و العالم أظلم صار و كئيب
محتاره زينب بوداع أهلها .... و قصدت لخوها بنوح و نحيب
دمـعـتـها صارت بالدم تهلها .... و اتقله يبن أمي يا غريب
هـاي الـفواطم فقدت أملها .... مهمومه لوداعك الرهيب
أطـفـالـك الـلـيـله و الحرم .... تتنطرك خويه بالخيم
تــدري الــغــرايــب .... بـاجـر حـرايـب
و الـعـالـم أظـلـم يـا كـربـلـه.... بـاجر حرايب
و الــعــالــم أظــلــم يــا كــربــلـه
******
يـبن أمي هاي العايله بخيمها .... ما ينسمع بس صوت العويل
كـل وحـده متحيره بألمها .... فيض المدامع يجري و يسيل
حـالـة وداعك مشتد هضمها .... باجر يصبح يوم الرحيل
هـالـلـيـله يا خويه انت يمها باجر تشوفك دامي و جتيل
بـانـت عـلايـم لـلـفاجعه .... و العيله أمست متلوعه
اتــشــوف الـعـجـايـب.... بـاجـر حـرايـب
و الــعــالــم أظــلــم يــا كــربــلـه
******
يـبـن أمـي هـالعايله الغريبه .... نتمنى ليل اوداعك يطول
حـالـتها أمست بالطف رهيبه .... بحالك تفكر يبن الرسول
لـو شـاهدت جثتك سليبه .... يتجاره دمعك مثل السيول
مـنـهو اليصبرها عالمصيبه .... و اتحيرت ما تدري اشتقول
هـالـلـيله انت بصبر القلب .... باجر نشوفك فوق الترب
بــيــن الــكــتـايـب.... بـاجـر حـرايـب
و الــعــالــم أظــلــم يــا كــربــلـه
******
هـاي الـفـواطم محتاره بيها .... و اتفكر بلوعات الطفوف
لـمـن تـفـارقها يا وليها .... عقبك يسبط النبي اشتشوف
منهو اليحامي منهو اليهون عليها .... لمن توذرك بيض السيوف
مـنهو اليحاميها من تجيها .... غارت عساكر خيل و صفوف
اقـلـوب الـفـواطـم متلاهبه .... صارت تفكر بالنايبه
ويــه الــغــوالــب.... بــاجــر حـرايـب
و الــعــالــم أظــلــم يــا كــربــلـه
******
يـبـن أمي فقدك يصعب علينه .... ما تنحمل لوعات الغياب
هـالـلـيـله ويانه يا ولينه .... باجر نشوفك فوق التراب
خـيـل الـعـساكر لمن تجينه .... منهو اليخمد نار المصاب
و بـاجر نشاهد مستعره بينه .... نار الخيم و الهم و العذاب
يـا خـويـه بـاصرني بالأمر .... عقبك يبو السجاد اشكثر
انــشــوف الـمـصـايـب.... بـاجـر حـرايـب
و الــعــالــم أظــلــم يــا كــربــلـه
التعلیقات