آه واويلاه ماتت فاطمة (مكتوبة) - باسم الكربلائي

قصيدة : آه واويلاه ماتت فاطمة
الشاعر : حاتم صبري الكاظمي

الرادود : الحاج ملا باسم الكربلائي
المناسبة : استشهاد الزهراء ع ، ليلة 15 جمادى الأولى 1441

آه وا ويلاه مــاتت فاطمه
******
حان توقــيت الدمـع و الفاجعَـه
من الأرض حته السماء السابعَـه
اليوم ماتت رحمة الله الواسـِعَه
قِتلَت الزهره الأيادي المجرمه
******
بـ ليل شيعهه الزچيّه الطاهره
وين يدفـنهه بدمعــته حيدره
الزهره أكبر والله من المَـگبره
بس گلب حيدر تره بگد السِمَه
******
يصيح ريت وياهه مَـلفوف ابچفن
الـ ماتت مَحبوبه كِـــرَه هـذه الزمن
ما أريــد الدنــيــه اريد أم الحَــسَن
حاضِن التــابوت هيچ ايكلمه
******
عله الراح لـ عــلي ما استـغرُبَه
يمكن الشِيباتْ وصلت حاجِـبَه
راح عُـمره من دِفَــن أُم زَيـنبَه
صاح وحي الدمع صيحه مُؤلمه
******
صَح دِفنها بس عجـــيبه بيا صَبُر
شلون ظل عايش علي يم الگــبر
مـات أظن من گالو الخَد مِنسطُر
و شاف كسر الضلِع يتنازف دمه
******
شلون لو شايف حسين اعله الثره
و الشمـر مِتــرَبُع ايحــــز مَـنحــره
و بالحوافر كل ضِــلوعه امطـشره
و شيصير بحالته حامي الحمه