ابن حيدر (مكتوبة) - جليل الكربلائي

قصيدة : آنه بن حيدر رافع رايتي

الشاعر : الأديب الحاج جابر الكاظمي

الرادود : الحاج ملا جلیل الکربلائي

 

آنه بن حيدر رافع رايتي...هاي الشريعه و سيفي إبيمنتي
هـذا  الـسـيـف ابيمناي...خل تسمع قوم إعداي
يــا زيــنــب شــنــهــو الــمـاي
******
آنـه صـنـديـد الـمـعـارك والـدي ليث البريه
عـودي  حـيـدر بـطـل خـيبر قلع باب الخيبريه
و آنـه مـثـلـه الـيـوم جفي قلع أبواب آل أميه
إشـحـده  يـا  زيـنـب اليدنه صول إحدود الثنيه
سـور الـحـرب مـعـمـور و إتـشـاهـديـني
دون الـمـنـايـه ايـلـوح سـيـفـي إبـيميني
و  الأمـضـه مـن الـسـيـف صـارم يـقـيني
و شـمـا تـكـثر هالقوم ...أحصدها إبسيفي اليوم
يـا  زيـنـب  شـنـهو الماي...و همت حيدر وياي
******
عـايـلـه  إمـشـيد خيمها و إنصبت ستر الفواطم
هـالـخـيم  حشمه و مهابه و أصبحت كعبة مكارم
كـعـبـة  و إتـشـيـد ركنها بالرماح و بالصوارم
نـزلـت  الأمـلاك بـيـهـا طافت إعليها الهواشم
هـاشـم إجـت بـحـمـاي لـلـطـف حرمها
و  بـيـدي إنـصـبـت أسـتـار حشمت خيمها
وشـحـدهـا قـوم إعـداي تـتـدنـه يـمـها
سـيـفـي  بـيـد الـفرسان ...لو تقرب للصيوان
يـا  زيـنـب  شـنـهـو الماي...هالعايله إبرجواي
******
لـلـحـرب يـا بـت محمد لو هتف صوت المنادي
يـنـفـجـر  طـوفـان اميه يطفح إبصارم جهادي
هـالـمـهـر يـصـبح سفينه إيفاوج إبدم الأعادي
هـذا سـيـفـي و هذا مهري عالعزم صار إعتمادي
عــازم أخــوض الـمـوت و بـجـفـي رايـه
و بـالـحـومـه مـهـري إيـخـوض بـحر المنايه
ويــه الأعــادي الــيـوم أنـهـي الـروايـه
صـرخـه و تـسـمـعها الناس...أبرز و آنه العباس
يـا  زيـنـب  شـنـهو الماي...عاقد عالموت الراي
******
زيـنـب  إسـتـمعت  لخوها و إرتفع صوت العقيله
نـادتـه يـا قـمـر هـاشـم يا من الخدري كفيله
حـسـت  الـعـيـله إبعطشها و الطفل ذايب دليله
هـاك  إخـذ جـودك يـخـويـه للطفل خمد غليله
و الـعـيـلـه يـا عـبـاس عـنـدك خـبـرها
مـذهـولـه  بـالـصـيـوان تـايـه فـكـرها
زاد الـعـطـش و إقـلـوب يـسـعـر جـمرها
ظـلـت  أطـفـال  حـسين ...يمك مشبوحه العين
يـا  زيـنـب  شنهو الماي ...و إنت التسمع شكواي
******
مـن سـمـع زيـنـب تحشمه غضب و إهتزت الرايه
قـلـهـا  يـا  زينب إشهدي اليوم أدوس إعله المنايه
لـو أجـي و لـلماي أجيبه و أروي القلوب الضمايه
لـو أسـد مـاي الـشـريعه و أقطع العلقمي و مايه
قـال إلـهـا عـد عـيـنـاج هـالـرايـه تشهد
حـي آنـه و إتـعـطـشـيـن يـا بـت مـحمد
لا و حــق رب الــكـون و الـلـي تـوحـد
لـجـل الـمـاي إتـشـوفين...أرخص لج هالجفين
يـا زيـنـب شـنـهو الماي...و سيفي إيحقق منواي