ما نسوه (مكتوبة) - جليل الكربلائي

قصيدة : ما تسوى من غير حسين

الشاعر : السيد سعيد الصافي الرميثي

 الرادود : الحاج ملا جلیل الکربلائي

 

ما  تسوى من غير حسين يهل الشرف دنيانه
******
دنـيـه  إبـغـيـر أبـو السجاد ما تنفع
يـظـل بـيـهـا يـزيـد الطاغيه يطمع
و بـراس الـطـفـل شـيب القهر يطلع
و الـمـعـروف لـلـمـنكر عبد يركع
و  الـعبد يزجر مولاه و إعليه يطول إلسانه
******
دنـيـه الـمـا كـو ييها حسين مذمومه
تـشـوف  أهـل الـبصاير و الفكر نومه
و تـحـكـم عـالـعباد أفكار مسمومه
و  كـل مـسـلـم تشوفه خبزته إهمومه
مـركـب  الـعزه يا ناس سبط النبي ربانه
******
حـسـيـن الـمرحمه و العزه و الإنصاف
و مـثـل جـده مـحمد كامل الأوصاف
يـسـمـونـه  الـغيور  ووالد الأشراف
و هـهـيـات الـيـحبه إمن المنيه ايخاف
و  الـتـظن يثنيها الخوف متوهمه و غلطانه
******
غـلـطـانـه الـتـظن بالقتل و التفجير
 عـشـاق  الـحسين اويه اليضدها إتصير
هـاي  إعـقـول  بـيـها ناقص التفكير
مـا يـخـضـع ضـمـير الواعي للتأثير
شـيـغير العنده حسين وي كل فجر قرآنه
******
إذا عـدكـم زلـم خـلـونـه نـتلاقه
و  إتـبـيـن أصـحـاب الوفه الصداقه
حـسـيـن  إعـلـه الكرامه ربه عشاقه
و الـبـذل الـنـفـس كل وكت سباقه
إحنه لجل حب حسين صارت رخيصه إدمانه
******
مـا تـغـلـه دمـانه إعله الذبيح حسين
و لا تـكـفـي عـله إمصابه دموع العين
لـو  نـقـصـد ضريحه إزحوف عالجفين
مـطـلـوبـيـن  نـبقه و ما نوفي الدَين
حـبـينه  أشرف  محبوب بالحشر ما ينسانه