يا موت ارد اسئلك

قصیدة : يا موت أرد أسألك لا توافيني

الشاعر : علي الخفاجي

 الرادود : الحاج ملا جلیل الکربلائي 

 

يا موت أرد أسألك لا توافيني...أريد ابهالليالي أخدم حسيني

******
خليني أبجّي الناس لمصابه...و أواسي بمجلسه و ادموعي سجابه
أحس بضلوعي تسعر جمره لصوابه...عن حسين يا مجنون يلهيني
******
يا موت أرد أبجيك اعله أبو اليمه...و أذكرك بالغريب المنسفك دمه
امهلني الليالي العشرة للخدمة...أريد أخدم حبيبي لا توافيني
******
خليني أخدمه و أجري دمع العين...جنة بدون أبو السجاد تحصل وين
أنا بطول الدهر خادم أظل لحسين...لحد ما باللحد أهلي يواروني
******
يا موت الغريب بمنحره اليجري...اشتراني و قدمت لجل السبط عمري
نذر روحي للمظلوم من زغري...و خادم منبره الوادم تسميني
******
يا موت و لبن أمي الرضعته ايقول...إذا لحسين تخدم هالعمل مقبول
و نور الشمس ساعات و يرد و يزول...و شمس حسين بالطف نورت