أحبك ليش لو رادوا يسألوني (مكتوبة) - جليل الكربلائي

 الرادود : الحاج ملا جلیل الکربلائي

أحـبـك لـيـش لـو رادوا يسألوني...حبيبي إنت يحسين و ضوه إعيوني
يا ضامن دنيتي و ديني...نذرت الحبك إسنيني...أحبك ليش لو رادوا يسألوني
******
رسـالـه  من  محبينك أودي لك...سلامي إبكل سطر من عدها أهدي لك
يـالـمضحي الوجودي شرد أضحي لك...قليل إشما ردت يحسين أبدي لك
إلـك روحـي الـعـزيـزه لـو أضحيها...و لا قطرة دمه المنك أجازيها
أقـدم عذري خليني...نذرت الحبك إسنيني...أحبك ليش لو رادوا يسألوني
******
عـلـه حـبـي السألني إبفخر جاوبته...لو لا حسين نور الشمس ما شفته
و  إخـلافـه إبـكـرامه العمر ما عشته ...أبو اليمه نفس روحي التنفسته
لـون  قـلبي تفتحه و تقدر إتشوفه ...تشوف إسم الحسين إمطرزه إحروفه
كرامه  و عزه تنطيني...نذرت الحبك إسنيني...أحبك ليش لو رادوا يسألوني
******
إذا  سـر  الـسـبـب رادوا يـعـرفونه...عطر إتراب قبرك خل يشمونه
و  عـلـى راس الـرمح راسك يشوفونه...و بدموع الشفاعه تقطر إعيونه
مـنـاجـاة و خـشـوع القدرة الباري...وي دمك تلاقه دمعك الجاري
و أشوفك نور تهديني...نذرت الحبك إسنيني...أحبك ليش لو رادوا يسألوني
******
إذا رايـد يـعـيـد الـزمـن تـمـجيدك...و اليوم القيامه يبقه تخليدك
تـحـافـظ عـن وجوده دينك إيريدك...و تصبر لو رضيعك ينذبح بيدك
صـحـت  آنه و رضيعي فدوه و إعيالي...لجل ديني أضحب إبكل ثمن غالي
و  بعد يحسين وصيني...نذرت الحبك إسنيني...أحبك ليش لو رادوا يسألوني
******
إذا قـصـدك تـريـد إتـحـقق أحلامك...و إتريد إستقامة دين إسلامك
تـصـبـر  من  تشوف النار بخيامك ...و من تهجم الخيل و تسحق أيتامك
و لـعـيـال الـقـبل مهيوبه محشومه ...تروح إويه العده مسبيه مهضومه
صحت يا ربي إرضيني...نذرت الحبك إسنيني...أحبك ليش لو رادوا يسألوني
******
سـريـت  و جان وياك الأجل يسري...و عليك إشما يصير إبقصتك تدري
صـحت  من صبر أبويه أخذت صبري...و للخيل التدوسه وسعت صدري
رضـيـت إبكل قناعه تنذبح ضامي...تشيل إختك بيديها جسمك الضامي
يـمن  ذكرك يبجيني...نذرت الحبك إسنيني...أحبك ليش لو رادوا يسألوني
******
يـنـشـدونـي عـليك إشلون حبيته...كل معنه الوفاء إبشخصك إلقيته
الـبـاري إشـمـا طلب من عندك إنطيته...و حته البلمهد يحسين ضحيته
جـنـوني  إبسب حبك يالخذت عقلي...أعرفك من يصير إحسابي تشفع لي
رغـم ذنـبي تنجيني...نذرت الحبك إسنيني...أحبك ليش لو رادوا يسألوني