مفجع - نعي
قصیدة : هذي صرخة مسلم
الشاعر : ميرزا عادل أشكناني
الرادود : الحاج ملا جلیل الکربلائي
واغــريــبـاه...واغــريــبــاه...واغـريـبـاه
******
هذي صرخة مسلم و تشهد عليها الكوفه
خل يجور الطاغيه و يحشد عليه اصفوفه
يبقه دين ابرقبتي و حسين أبد ما عوفه
اشلون أعوف حسين ابن عمي و إمامي
******
عمي حيدر عالكرامه و الوفه امربيني
و اعله ابنه من زغر سني علي اموصيني
و آنا عاهدت الحسين و ما أعوف احسيني
و ليه تشهد بالحشر قبضة حُسامي
******
ابهمه طب سوح الجهاد عالشهاده امصمم
مرتجز حته السمه بيه صاحت أنعم و أكرم
صاح يا أتباع أميه ابسيفه جاكم مسلم
و آنا عن دين النبي ابسيفي أُحامي
******
صاح يبن إزياد اسمع ما يفيدك غدرك
لا تظن ابهالغدر تقدر تحقق نصرك
حته لو تقطع وريدي و أنرمي من قصرك
باجر ايصير القصر قبري و مقامي
******
حته لو مجتوفه ايدي و منكسر صمصامي
لا تظن ابوقفتي اقبالك أنّزل هامي
انت و ايزيدك و قصرك كلها تحت أقدامي
ملتزم بحسين ما أخون إلتزامي
******
قله تدري حسين وين امن الرسول امجانه
عوده سيد إرجاله و أمه سيدة نسوانه
و انت أدره ابعودك و أمك يبن مرجانه
حته لو تذبحني ما أغيّر كلامي
التعلیقات