يالقاصد لقبر حسين أريد أنخاك (مكتوبة) - جليل الكربلائي

الشاعر : السيد سعيد الصافي الرميثي

 

يـا الـقاصد القبر احسين أريد أنخاك      تـاخـذ  هـالرساله لو رحت وياك
******
رسـالة  شوق إخذها يالنويت اتروح      كـاتـبـها  ابدمعتي و قلبي المجروح
و  بـيها اهموم دنيايه و عذاب الروح      أمـانـه  هـالرساله امسلمه ابيمناك
******
أمـانـه ابـذمـتـك لازم توصلها      أريـدك  قـبـتـه ابلهفتك تدخلها
و  الـعـتـبـه عـوض عني تقبلها      تـقـله أحباب الك بالغربه ما تنساك
******
مـا  تـنـساك  قله اشما جره اعليها      و  مـن ضـيـم الزمان اشما يراويها
مـا تـقـطـع لطمها و لا بواجيها      و  بـدمـوع المنابر كل وكت تنعاك
******
و  اقـصـد مذبحه الفاض ابدمه نحره      و  إخذ  بيدك اترابه و اجذب الحسره
و  عـوض  عـني أريدنك تشم قبره      و صيح بصوت عطر الجنه عطر ادماك
******
يـا  عـطـر  النشمه جنك المصباح      و كـل هـمنه و حزنه البقلب ينزاح
تـغـربـنه و عله الماضي ندق الراح      و فـارقـنـه الأمل ساعة الفارقناك
******
نـتـذكـر  الماضي و ندق ايد بأيد      لا  حـيـف البعد ينفع ووسفه اتفيد
اولادك  اشـلـون انزورك من ابعيد      يـا الـيـمك ربينه و عمر جاورناك
******
لـو نـفـرض الـمال الراح يتعوض      شـيـعوض العمر يا حسين لو قوض
امـن الـباري و الك هالأمر يتفوض      لـو  نـقـطع رجانه لو نظل برجاك
******
مـا صـدق رجـانـه منك انقطعه      يـا  حـجـة الباري و رحمة الوسعه
عـليك  أقسم بضلع الطاهره البضعه      و ابـجـف الـحمل بالغاضريه الواك
******
عـليك  أقسم  بخاطر زينب المكسور      و ابـدمـعـة رقيه و طفلك المنحور
يـا  يـوم الـضريحك نعتني و انزور      نـذر  يـوم الـنعود ازحوف نتعناك
******
لـو نحجي النريده و نكشف المضموم      و انـبـيـن اشـبينه من ألم و اهموم
اصـوابك  ينلجم يا حسين يا مظلوم      و بـعـتـاب لـمفارق لون عاتبناك
******
عـله  الباري قسمنه ابصدرك ابدمك      و اسـكـيـنه العزيزه و الأعز أمك
مـطـلـبـنـه  نريد  إلنه قبر يمك      و يـواطـينه التراب الطاهر الواطاك