شد يا جاسم عالحرب (مكتوبة) - جليل الكربلائي
منذ ٣ سنوات٣١٢مشاهده
الشاعر : هيثم سعّودي الكربلائي
شِـدّ يـجاسم عالحرب يوليدي شِد ّواخـذ گلبي اوياك بيه اسهام‌صِدّ
******
اخـذ گلـبي وياك طب بي‌للحرب وچالدرع خلي الگلب فوگ الگلب
اطـعن اضرب يبني واوجع‌بالضرب وبـرگاب اعـداك حِدّ السيدحِدّ
******
حِـدّه بـيـها وحزّ رؤوس‌الظالمه وخـلـي سيفك يحصد ابلامرحمه
ذولـه زمـرة اصـل مـحنة فاطمه عِـدّ مـصـايبها بعدد هالروس عِد
******
عِـدّ يـجاسم واحصد بروس الجمع وكل خصم راسه العفن من‌ينگطع
كـبّـر وصيح اءنجبر كسرالضلع لـو بـعـد يـا فاطمه أَطرح‌وأَمد
******
يـبـنـي جندلها العِده ولا تستكين اضـرب اطـعن عاليساروعاليمين
لـلـجنين اشلون سگّطوه‌للجنين اشـسوّه محسن واصبحتله الگوم‌نِد
******
تـنـجـرح عوف الجرح‌لتضمّده انـسـه جرحك وانته مابين‌العده
اذكـر الـغـدرته الگوم ابمسجده جـدّك الـكـرّار يبني شلون‌جِدّ
******
جـدّك الـكـرّار اءذكره‌المرتضه الـمـارضه بغير الله حاكم مارضه
او رفض كل اهل الدعاوي‌المغرضه وصـارت الاشرار كلها اعليه‌ضِدّ
******
شـد يجاسم عالحرب عوف العرس لا تـخـلّي الظالم ايشوف‌الشمس
والـدك مـن گبره يهمسلك همس سِـدّ يـجـاسم خِلّة المسموم‌سِدّ
******
يـبـنـي من گبره يناديك‌الحسن هـذا يـومك وانته بيديك‌الرسن
اسـلب ارواح العده احرمهاالوسن او صـد عـليّه لو لفاك الاجل صِد
******
صـد عـليه لو گرب ليك‌الاجل يـبـنـي واتـعنّاك للحومه‌بعجل
وارد اگلّـه الـخـالـقي عزّ وجل‌ّ زِد عـلـيّـه بـالـصبر يا ربي‌زد
******
يـبـنـي واگعد يمّك بگلبي الجريح والـطم اعله الراس ودموعي تصيح
گلـبي طايح هذا لو جسمك طريح شـدّ يخيط الدمع جرح اوليدي‌شِدّ
******
يـا جـرح دمـعي اليطيبه ياجرح چنـت اظـن مجروح يبني ومنطرح
مـا دريـت بـيوم عرسك‌تنذبح رد عـلـيّـه رويـحتي يوليدي رِد
التعلیقات