يا حسين يا ثار الله نقسم والله (مكتوبة) - جليل الكربلائي
منذ ٣ سنوات٣٠٥مشاهده
الشاعر : أبو علي الناصري
يـا ثـار الله .... نـقـسـم والله
يـوم الـوفـاي الـيـوم .... أنـصـارك يا مظلوم
يـا حـسـيـن يـا حـسـيـن يـا حـسـيـن
******
صـوت الضماير صاح يرخص اليوم أرواح لبن الزجيه
مـو دعـوه من السان صرخة وفه ووجدان لله و نبيه
مـن قـلـنـه لا والله ندري القسم معناه سيف المنيه
مـن جينه متعنين ندري اعله مود احسين نصبح ضحيه
طــبـع الأنـصـار .... بـالـدنـيـه أحـرار
فـوق الـمـنـايـه اتـحـوم .... أنصارك يا مظلوم
******
بـاريـنه درس الموت أهل العقيده اتفوت شنهو المنايه
و الـيـعـتـني بإيمان لهل الشرف عنوان ظل اسمه رايه
نـنزع اثياب العار نسحك ادروب النار واحنه الضحايه
بـالـبـاري معتقدين ينصرنه دنيه و دين أشرف نهايه
بــنـهـج الـمـخـتـار .... ويـه الـكـرار
تـطـلـب حـق الـمـحروم .... أنصارك يا مظلوم
******
خـل تعنينه اصفوف باجر الحومه اتشوف بزغة صبحنه
باجر اتشوف العين شنطحي لجل احسين لو بسمه صحنه
بـاجـر بـعـج الخيل انبذل النهار بليل نقصد ذبحنه
يـعـذرنه أبو الأحرار لو بينه صار الصار عالغبره طحنه
هــذي الأصــوات .... تــصـبـح رآيـات
اعـلـيـهـا الـعهد مرسوم .... أنصارك يا مظلوم
******
ويه الحومه عدنه اعهود طبع الكريم ايجود و يطحي دمه
مـن قلنه احنه أنصار للحق نقدم أعمار و الرجل جلمه
لا مـا نـمـد الأيـد مـوقفنا ضد ايزيد بالدم نرسمه
ثـابـت أمـر مـبخوت .... كل حي ايموت ايموت
نــعـرف مـغـزاك .... مـوتـتـنـه اويـاك
مـا هـمـنـه الـبـيها ايلوم .... أنصارك يا مظلوم
******
عدنه الأمر محسوب كل شمس الها اغروب و اتظل شمسنه
ظـل مـضرب الأمثال تنقل خبرنه أجيال تقره بدرسنه
مـنـهـجـنه مشعل نور يتوقد بكل دور يظهر أمسنه
درب الـمـفـاخـر تـاج .... و الـتـبع هالمنهاج
ويـن الـتـيـجـان .... و اهـل الـطـغـيـان
و الـلـي تـظـل و اتـدوم .... أنصارك يا مظلوم
******
حـبـل الظلم مقطوع راس العدل مرفوع هاي الحقيقه
الـيـفـدي العمر مغزاه يعرف نزيف ادماه المن يريقه
الـرايـد يـحصل أمجاد يتبع أبو السجاد واضح طريقه
درب الـشـهاده ايريد ما تلوي عد الجيد وينه اليطيعه
لـلـحـق أجـراس .... تـسـمـعـهـا الـناس
صـح الـغـافـي مـن النوم .... أنصارك يا مظلوم
******
بـاجـر نصير ادروس لمن نضحي انفوس و يرف لوانه
بـيـرغ نـصر منشور منهج عداله اينور ترسم دمانه
و اتظل دمانه اتسيل بكل ساحه و بكل جيل تذكر وفانه
الـدم يـحـجـي بكل عام ماتقدر الظلام تقطع لسانه
لـلـطـف جـيـنـاك .... مـوعـدنـه اويـاك
اتـعـنـيـنـه انـقدم ادموم .... أنصارك يا مظلوم
التعلیقات