يالمعتني للحرب وشلون أصبر القلب (مكتوبة) - جليل الكربلائي

الشاعر : السيد سعيد الصافي الرميثي

 

يـالـمـعـتـني للحرب.... وشلون أصبر القلب
لـمـن رحـت يالأكبر.... ريض صحت يالأكبر
يـبـنـي           عـلـي           الأكـبـر
******
يـبـني ريض خل أودعك و أرد أحضنك بين ايديه
و  قـلـبـي يتلاقه اويه قلبك يا علي ابونه شجيه
و  الـعـتـب  و الدمعه تبره نارك و ناري السريه
يـبـنـي  أقـطـع ظـني منك لو ترد سالم عليه
وشـلـون  أصـبـر القلب .... يالمعتني للحرب
قـلـي  اشقلت يالأكبر.... ريض صحت يالأكبر
******
يـا  عـلـي ساعة وداعك أصعب من ساعة مماتي
و  انـت يـوليدي ابوجودي شمعة تضوي الأمنياتي
روحـي من روحك نفسها و من حياتك كل حياتي
هـيـج اوداعـك حـنـاني و رجعتني الذكرياتي
أذكـر اربـاك الـصعب.... وشلون أصبر القلب
بـيـه  اتـعبت  يالأكبر.... ريض صحت يالأكبر
******
عـايـش ابـيـن الـجوانح شهرك التاسع قضيته
و  جـم نـذر لـجلك نذرته يبني و اصيارك تنيته
يـشـهـد  الـليل السهرته و ما أظن ساعه غفيته
قـابـلـت  مـهدك و أناغي و عالمهد قلبي حنيته
قـلـبـي  تركته ابرعب.... وشلون أصبر القلب
تـرجـع  ردت  يالأكبر.... ريض صحت يالأكبر
******
أنـتـظـر  يـوليدي تكبر وبوجود اقضي عمري
تـجـوه يـوحـيد حسبتك لو زماني يحني ظهري
و لـو دنـت مـنـي المنيه اتغمض اعيوني يذخري
و الـجـفـن بيدك تفصله و بيدك اتوسدني قبري
دمـعـك  الفقدي يصب.... وشلون أصبر القلب
أحـلـم  جنت  يالأكبر.... ريض صحت يالأكبر
******
يـالـرحـت عني و عفتني عالدرب مشبوحه عيني
يـبني  طرف الخيمه شلتك ابحسرتي و دمعي وونيني
وجـهـت لـلباري وجهي ابلهفة الروح و حنيني
راسـي كـشـفـتـه و دعيته يا علي سالم تجيني
يـربـي  الـنظر للدرب.... وشلون أصبر القلب
و  اتـنـطـرت يالأكبر.... ريض صحت يالأكبر
******
و اسـتـجـاب الـبـاري مني لمن يحفظك ندبته
يـا  شـبـيه الهادي وجهك جالبدر يوليدي شفته
سـاعـه  يـوليدي  و بعدها لن خبر جتلك سمعته
و بالدمه امخضب أشوفك و جسمك ابشوغه حضنته
يـالـمـا رواك الـعذب.... وشلون أصبر القلب
ضـامـي  متت  يالأكبر.... ريض صحت يالأكبر