ملف صوتی سولفولي بصوت محمد الجنامي

قصيدة سولفولي مكتوبة

الرادود محمد الجنامي

سولفتك للعالم اية من الجمال
شافوك وسألوني واقع لو خيال
يالغالي .. عن بالي .. طيفك مايروح .. طيفك مايروح

دلالك .. حلالك .. يبن روحي بجمالك اسولف للقمر
حياتي .. بوصالك .. اذا تبعد علية اموت من القهر
على عيوني حلم غافي .. ونبع صافي على شفافي
أگول اسمك الف مرة .. ولا مرة گلت كافي
ضوة سنيني ونظر عيني
سكن حبك شراييني
ليل عيونك اجمل من شمس النهار
گد ماحبك روحي من ظلك تغار
من زغرك .. يالعطرك .. بانفاسي يفوح .. طيفك مايروح

سولفتك للعالم اية من الجمال
شافوك وسألوني واقع لو خيال
يالغالي .. عن بالي .. طيفك مايروح .. طيفك مايروح

غلاتك .. شحلاتك .. حلو طولك واخافن عليك من الحسد
المهابة .. بصفاتك .. التصابح وجهك شرادت من الله بعد
حلم عمري الكبر بية .. بمعانية يشع ضيه
يوصفونك ضوة الديرة .. يبو الغيرة الحسينية
العمر كله الك يحله
يسمونك قلب رمله
كعبة شوگي وروحي بأنفاسك تطوف
يا هنيال عيوني الغيرك ماتشوف
من ترحل .. تتبدل .. افراحي بجروح .. طيفك مايروح

سولفتك للعالم اية من الجمال
شافوك وسألوني واقع لو خيال
يالغالي .. عن بالي .. طيفك مايروح .. طيفك مايروح

يا جنة .. ومحنة .. بعد شيبي ضحتك مثل طلعة شمس
دليلي .. تمنة .. يجي يوم وازفك بدية للعرس
ويكلولي بني هاشم .. عرس جاسم فرح دايم
عشت عمري على مودك .. كبر عودك بقلب هايم
ياعافيتي وياحنيتي
اشوف ابنك انا امنيتي
من اول ما شفتك سميتك هواي
يا غيمة ايامي اعطش وانتة ماي
كلماتك .. نظراتك .. تنطي لروحي روح .. طيفك مايروح

سولفتك للعالم اية من الجمال
شافوك وسألوني واقع لو خيال
يالغالي .. عن بالي .. طيفك مايروح .. طيفك مايروح

حبيبي .. يشيبي .. شعجب بيدي اشوفه بجة شمع الفرح
تعالى .. نحيبي .. واحس گلبي يكلي ترى الغالي انذبح
يبعد امك صدك يبني .. تفاركني وتشيبني
بعد وكتك تبجيني .. وتخليني بظهر محني
رحت عني وثكل حزني
الدهر يدري شأخذ مني
رايح بس بروحي تعيش الذكريات
ياروحي ومن دونك مو حلوة الحياة
ايظل صوتي .. يا موتي .. وينك ماتلوح .. طيفك مايروح

سولفتك للعالم اية من الجمال
شافوك وسألوني واقع لو خيال
يالغالي .. عن بالي .. طيفك مايروح .. طيفك مايروح

للشاعر: كرار حسين الكربلائي