إن شاء الله (مكتوبة) - أباذر الحلواجي

 

 

انشا الله انروح للمدينة    ونزور الزهره ونبينا
ونزور المجتبى الطاهر    والساجد وابنه الباقر    والصادق ولينا

شوق ايلالي للنبي واولاده    بكل نَفَس عسانا من عوّاده
غاية بورود القلب محمولة    وكل قلب يا رب اينول امراده

بنور المدينة ننسبي    خاطِرنا نُوصَل
ونوقف على باب النبي    ونستأذن اوّل
وندخل ضريحه الأطيبي    وبيه انتوسّل
او هذا كلّ اللي نَبي    وليه انتِأمَّل

ونناظر ﮔبِّته الخضرة    ونعيد ازيارة الزهرة    والصادق ولينا 

جنّة يا أرض المدينة جنّة      والبقيع اسم الله يسطع مِنّه
للأيمّة الأربعة كل مُنية      بالأمل طيف الهوى ايوصِّلنا

أربع شُموس اموزّعة    ابدمنا وقلبنا
لترْب الأيمّة الأربعة    ليت اقتربنا
نور الحسن من منبعه      خذنا وشربنا
وزين العِباد امشعشعة      طيوفه ابدربنا

والباقر ننهل ابحوره    والصادق نزخر ابنوره    الصادق ولينا

للبقيع امن الخواطِر جينا      من أيمّتنا العشق يطوينا
ونوصَل الأم البنين ابلهفة      وتالي عمّات النبي وابنينه

وبكل زيارة ينذكر      إسم الزچية
زرناها باشواق العتمر    في كل عشيّة
ونبعث من اخيوط الفجر    ليها تحيّة
لو ندري بس وين القبر    وننظر لَضيّه

بالروضة يم قبر طه    باقات الحب حملناها    للصادق ولينا

كل قلب واله مكان ايعِزّه      واحنا لينا بالمدينة المغزى
للنبي ويّا البقيع انوصِّل      وِلأُحُد نطلع نزور الحمزة

تَلينا من ورد السمه      يم قبره سورة
مثل ما كانت فاطمة      تطلع تزوره
وزيارة منّا امسلّمة      حلّت طَهورة
لكل قبر طاهر سِمى      في طيبة نوره

نترجّى هذي الزيارة    للحمزة وباقي انصاره    والصادق ولينا