طلع سهم (مكتوبة) - محمد الجنامي

 

طلع سهم من عينه
رسم نهر لحسينه
نهر يظل عبر درس للخوة
يصب وفه شرف كرم ومروة
يا أعذب نهر و أطيب من قبل العطش تنحب
حبيتك وفه امدد عله جفوف الكرامه
جفك يمتد أبلا حد يوصل للأفق وأبعد
تسلم ما ردت تسلم لجل نبقه ابسلامه
طولك بيرغ امروه يرف ابصيحة النخوة
ظهرك شايل الدنيه تكسره دمعة الشكوه
يا اترف تتوصف يا نسمة برد بالحر
يا أصعب يا أعجب عودك لو عطش يخضر
حرز شرف خليتك على الأسم حبيتك
ألك اثر ارض سمه حاضنته
اذا أحس خطر شفت ذاك انته
ولا صحت ها وينك
يا وجه الكمر يا ضي ساطع ما يحجبك شي
زينب من تباوعلك تطمنها بوجودك
انته أبن النبي ايكلگ أركب فدوه اروحن لك
الله اليعلم شكبرك ولا نعرف حدودك
ما شفنه اخو قبلك يوافي ومستحي من اخته
ما شفنه وفي يروي عياله و يابسه شفته
يالطايح ما طايح صاعد والخيم طاحت
يالرايح ما رايح بس زينب سبي راحت
دمع خدر بزنودك
نحر طفل يم جودك
ولا صحت ولا تهم بجروحك
لأن بقى اخو أعز من روحك
رغم كطع چفينك
شفتك عالأرض كاعد چنك للسمه صاعد
افرس و اصيد و أرهب رغم هيبة جمالك
من الصعبة ما تعجز من تمشي الأرض تهتز
كلشي بيه نفس يچفل اذا يبرز خيالك
كلما ترخص العشره اشوفك مستحه وچلمه
خوة غيرك ابوادي يحادي وخوتك قمه
ما تخفي حسراتك بعيونك عطش غيمه
تتصبر تتعذر وابصدرك حرك خيمه
ولا شفت دم هامك
شفت خطر بخيامك
چنت أخو حرس ذخر للأصعب
فلا عجب اذا بچت دم زينب
خجل طبع بجبينك