عفت كلشي (مكتوبة) - باسم الكربلائي

 

 

عفت كلشي وجاي ازور حسيني 
يا حـبيب بـدفـترك خـليـني 

واذا الصـبح تنـفس للـدرب 
الف هنياله المشه وعينه تصب 
الله لجدامي يسهل كل صعب 
آنه بس درب المشي يگر عيني 

بيتي سديته وخذت كل عيلتي 
الهوى عذيبي من ترفرف رايتي 
امشي واحسب خطوه خطوه بسبحتي 
ودمع عيني من اعطش يرويني 

بمتني شايل دنيه مو بس رايه 
ودي غيـمه تصـير عالمشايه 
يا حبيب مروتك بس هايه 
اغفه ودروب السبي تراويني 

موكب بصف موكب يوزع حنان 
الرايه من انشوفها نحس بالامان 
اول المشـايه صـاحب الـزمان 
خطوه خطوه الكربله يماشيني 

موكـب الخـدر تقـوده فاطمة 
وراية الثار اعله چف حامي الحمه
تمشي ويانه السمه واهل السمه 
وبمصايب كربله تواسيني 

الچانو بطف كربله سبعين امس 
اليوم انصاره تسد عين الشمس 
وينه هـذا العاقل وياخـذ درس 
شما نـزود المشـكله يـعاديني  

احس من امشي اخف من الريشه 
وجدمي دگيته اعله راس البيشه 
عمـري اذا مـو كـربله مـا عيشه 
دربه بس ياخذني ويـوديني 

امشي واتنخه بامير المؤمنين 
وعزمي شديته بعلگ ام البنين 
معتني بجدمي لحبل الله المتين 
وارتبـاط هــواي بينه وبيني 

للشاعر: علي سعيد الطائي