يا زاير حسين (مكتوبة) - باسم الكربلائي
منذ سنة٢٩٦مشاهده
لطمية يا زاير حسين مكتوبة
الرادود باسم الكربلائي
يازاير حسين هلا ومية هله
عباس عباس ينادي بكربله
بالبصره هليوم راياتك ترف
شالوها شبان دمعهم ما يجف
حان المشي حان منهم ينعرف
تتحضر الناس بده يوم الزحف
والبصره لحسين اول قافله
عباس عباس ينادي بكربله
للموكب انروح يلا ونفتحه
ونفك الابواب نفرشه ونمسحه
والزهره يا ناس گلبها نفرحه
واحساس الحسين لا لا تجرحه
من تسمع اذان بالك تهمله
عباس عباس ينادي بكربلا
يلگاصد ازور كلشي ولا تهم
ولينتقد بيك هذا شيفتهم
ما يسوى كلمات لا تنطي حجم
وبخدمتك هاي منهم تنتقم
خليه محتار سكوتك قاتله
عباس عباس ينادي بكربله
نتشيم اهواي لو شفنه العدد
عشرين مليون بل اكثر بعد
يا حيدر انصيح مدلهم مدد
من اليكرهون صير انته السند
وليمشي بحماك ياهو اليوصله
عباس عباس ينادي بكربله
مبعوثه لحسين چن يوم الحشر
گبل اربعينه تجي بفارغ صبر
بر وبحر صار سواد بكل شبر
طيب وعطر ياس منهم ينتشر
اجرك يمشاي جبير تحصله
عباس عباس ينادي بكربله
تتصافه الگلوب واحد شيعتك
من تمشي مولاي يوم ازيارتك
تذوب العناوين كلها بحضرتك
خطوات الاجدام تغث العادتك
يلحاقد اليوم گلبك نشعله
عباس عباس ينادي بكربله
وكت المنع ذاك ما همنه المنع
شما يطغى طاغوت اكثر نندفع
من هاي الاجواء لا ما ينشبع
نعتطل اشلون ياهو يقتنع
والباري ندعيه دربنه يطوله
عباس عباس ينادي بكربله
للشاعر: علي تركي الهاشمي
التعلیقات