طلعن خوات حسين (مكتوبة) - باسم الكربلائي

 

 

طــلــعــن  خــوات حــسـيـن....طـلـعـن يـنـشـدنـه
طـلـعـن  يـسـألـنـه ....وحـدك اجـيـت الـنـه....ويـنه التكفلنه
عــبــاس اخــونــه ويــن ....اشــعــنـدك خـبـر عـنـه
ويــنــاشــدن  مــنــه ....ويــن الــتــكــفــلـنـه
جــاوبــهــن الــمــظـلـوم.... غـاب الـقـمـر هـالـيـوم

مـن  راح ابـو الـسـجاد صوب الشريعة ....راح اولقى العباس اجفوفه قطيعة
لـلـخـيـمـة  رد اردود ابـنوح وفجيعة ....اتلقنه بالصرخات ابنات الوديعة
لـمـخـيـمـك رديـت ....وحـدك يوالينه.. وين القمر وينه.. ننتظره ظلينه
لـلـخـيـمة وحدك جيت ....يالوالي حاجينه.. نار العطش بينه.. ننتظره ظلينه
نــادى  ابــقــلـب مـهـمـوم ....غـاب الـقـمـر هـالـيـوم

سـبـط الـنـبـي مـن شـاف حـالة خواته ....تتسافح من العين دمعة بناته
انـجـمـعـت عـلـيـه النوب كل نايباته ....يتمنى صار الموت وتخلص حياته
ابـبـاب الـخـيـم مـحتار ....يتأمل اطفاله.. ويشاهد الحاله .. شيصبر اعياله
دلالـه  يـلـهـب نـار ....شـيطفي دلاله.. وانقطعت آماله .. شيصبر اعياله
اشــيـطـفـي  خـبـر  واعـلـوم ....غـاب الـقـمـر هـالـيـوم

كـل  لـحـظـه بالدمعات تقصد له طفله ....تنظره له عين ابعين تبجي وتصدله
هـالـطـفـلـه بـالـعـبرات صارت تسأله ....يابويه عمي وين مهمومه لجله
شـيـجـاوب الاطـفـال ....بـاب الـخيم لمة واتجمعوا يمه .. محتار ابو اليمه
سـاكـت غـدا ابـها الحال ....ماتطلع الجلمة.. زاد وكثر همه.. محتار ابو اليمه
واعــلــى الــجـفـن مـرسـوم ....غـاب الـقـمـر هـالـيـوم

سـاكـت وقـف مـحتار واعيونه تدمع ....طفله واتريد اجاوب من عنده تسمع
حـايـر  وقـف  شـيـقول يا جلمة تطلع ....ويشاهد الرضعان بالدمعة ترضع
لـن  زيـنـب اتـناديه ....حاجيني يا ابن امي.. يالزيدت همي .. همك مثل همي
اشعندك  خبر تخفيه ....ادري القمر مرمي.. او جسمه وقع مدمي.. همك مثل همي
صــاح  اشــيــفـيـد  الـلـوم ....غـاب الـقـمـر هـالـيـوم

نـادى ابـقـلـب مـحـزون جـمـراته تلهب ....يم النهر عباس عفته يزينب
طـايـح  بـلا جـفـيـن بـالدم تخصب ....سهم القدر بالعين طاح واتصوب
الـقـيـتـه  اعـلـى جـرف الماي ....متوذر القيته.. لمن تعنيته.. ياما ترجيته
نـاديـتـه قـوم اويـاي ....يـاخـويه ناديته.. بدموعي حاجيته.. ياما ترجيته
واجــروحــه تــجــري ادمـوم ....غـاب الـقـمـر هـالـيـوم

ودعت اخوي اهناك وادموعي تجري ....ظهري انكسر وامشيت ايدي اعلى ظهري
اتـخـطـى على الجمرات امشي اعلى صبري ....فوضت من فرقاه للباري امري
يـازيـنـب  اوتـدريـن ....طـبـع الزمن بينه.. بالرحمة بارينه.. هو اليجازينه
والـواجـب  اتـصـبـريـن  ....هالمحنة تكفينه.. متقدر اعلينه.. هو اليجازينه
وبــحــكــمــة الــقـيـوم ....غـاب الـقـمـر هـالـيـوم

 

للشاعر: الأديب الحاج جابر الكاظمي