عجت العصرين (مكتوبة) - باسم الكربلائي

 

 

عجت العصرين و اسّود الفضه
من طحت يحسين يبن المرتضه

من طحت وياك طود الدين طاح
و هب حمر يحسين بالكون الرياح
و عجت العصرين لاجن بالصياح
سيدي و العالم اسود ابيَضه

لون ما شبلك و هو زين العباد
يظل من بعدك و بيه تحيه البلاد
هوت فوق الواسعة السبع الشداد
و الدهر يفنه و منيته اتقوضه

ريت سيف القاضية يفني الدهر
و للبرية التلف و الموت الحمر
و لا يبو اليمة يبن سيد البشر
دمك سيوف الأنذال اتفيضه

آه يا ريحانة الهادي السليل
بالهجير اعلى الرمل تمسي جِتيل
و فوق صدرك و الظهر تلعب الخيل
آه و اعظامك اتبات امرضضه

يمن جسمك روح و العالم جسم
جيف عقب الروح ما جسمه يعدم
آه مهرك من طحت فر للخيم
يظن غيرك يا شهم يستنهضه

بالمباني ما وجد غير الحرم
لوى اعنانه و سدر لاجنه انهضم
وقف عد راسك يصاهل يا شهم
ايحسب حي و بيك يحسين ايحضه

 

للشاعر:المرحوم عبود غفله