اتذكر كسرها (مكتوبة) - باسم الكربلائي

 

 

اتـذكـر كـسـرهـا مـحـنة دهرها
اتعنى لقبرها و راح حسين
يـجـر حـسـرة عـلـى الـزهـرة

قـبـل مـايـمـشـي و يـهـاجر ابو اليمه
راح بدمعته يودع قبر أمه
وذاك الـقـبـر أول مـاوصـل يمه
انحنى على ترابه يجري الدمع و يشمه
و روحـه الـحـزيـنـة بـاتـت رهينة
لجمرة ونينه و دمع العين
جـرى الـعـبـرة عـلـى الـزهـرة

يـم قـبـر الـوديـعـة هايم المظلوم
مثل طير القِطَة على القبر ظل يحوم
يـريـد يـودع أمه و يشكي عندها هموم
ناداها بقلب شايل جرح ملجوم
قـرّب  غـيـابـي جـيـت بعذابي 
اعرض مصابي و هضم البين
عـرض أمـره عـلـى الـزهـرة

صـاح و قـلـبـه موقد بالحزن مسجور
اجيتج و الدمع دم و جمر منثور
وحـق  محسن  اخوية و ضلعج المكسور
أحس الدنيا بعدج ظلمة و بلا نور
بـهـضـمـة زمـانـي عـايـش تراني 
و الهم لفاني من صوبين
الـقـلـب جـمـرة عـلـى الـزهـرة

ظـهـر  مـن  الـقـلب صوت و نِدَه يبني
قبلك هم تراني الدهر خيّرني
رفضت جوره و هوانه و تالي عذّبني
و لاجل هذا السبب كسروا الضلع مني
هـاي آنـة هـمـي كـل عمره يمي 
و خيّرني خصمي بين أمرين
الـمـحـن كـثـرة عـلـى الـزهـرة

جـاوبـهـا بـعـد ما ظل عمر ينفع
بعد ساعات امشي بهلضعن و اطلع
لا شـك بـالـسـيـوف هـنـاك اتـقطع
يا يمة الوعد وياج بالمصرع
لـمـن تـجـيـنـي و تـشـاهديني 
مصوب جبيني بذاك الحين
كـشـف سـرّه عـلـى الـزهـرة

ظـهر  صوت الوديعة من قلب مجروح
ياريت انظر جبينك يا شريك الروح
لـجـن القاك مخضوب بدما و مذبوح
و بلا راس جسمك علأرض مطروح
بـالـطـف  احـضْرك مذبوح انظرك 
دم يجري منك جتني منين
غـصـص  مُـرّة عـلـى الـزهـرة

للشاعر : جابر الكاظمي