بحر الدمع (مكتوبة) - باسم الكربلائي

 

 

يابحر الدمع حاجيني
وينه الگه الصبر دليني
عگب الكرار .. فكري احتار
وينه الگه الصبر دليني

لابارحت عمري يريت الونة
ولا غار بير الدمع
شتتمنى گالولي گلت شتمنى اتمنى
نعشي تشيع
جفوف القدر فتحت ابواب الجنة
بوجه البطين الانزع
لاجن ابواب النار فتحت النه
جمر القهر يتلفع
كلما زيدت عبراتي ‏
يتزايد لهب جمراتي
احمل جم نار .. فكري احتار
وينه الگه الصبر دليني

درب الصبر ضاع بمصيبة حيدر
بس الدمع واساني
حاولت ابحث عالصبر واتصبر
مامن شهم دلاني
ظليت انازع بين ناري التسعر
مابين دمع احزاني
لاناري نشفت موج دمعي الاحمر
ولا هالدمع طفاني
شلون انفض غبار همومي ‏
وغراب المصيبة يحومي
بموج الأفكار .. فكري احتار ‏
وينه الگه الصبر دليني

جيوش القهر فلت سواعد عزمي
واستوحدتني النكبة
وعيون ضيمي نايبات وهمضي
تترفد وتتربه
مو دم علي جن تسافح دمي
ويجري لجلالة ربه
اي والهتف ياموت سجل اسمي
فزت ورب الكعبة
مو هامة علي المطبوره ‏
اشعر هامتي المشطوره
سيف الاقدار .. فكري احتار ‏
وينه الگه الصبر دليني

بسيف الضلالة انطبر راس التوحيد
وهالت وهج مستعره
وقلب الجحيم تسجر وناره تزيد
مم اثر نار الطبرة
بين الايادي وطاح من ايد لايد
قلبي وتفرهد صبره
هات الصبر يا دهر واطلب شتريد
ما عندي هالهم قدرة
سلمت القلب للحسره ‏
وانطيت الجفن للعبره
بروج الاعبار .. فكري احتار ‏
وينه الگه الصبر دليني

تتعثر اجدام القهر بجروحي
جرح الوكت ما يلتم
والنوح ظل يبجي وينوح لنوحي
وبيه الالم يتألم
صارت تكابر عالموازم روحي
تسحك على متون الهم
وشلون ينشف سيل دمعي وموحي
حيدر تخضب بالدم
عيني على الجرح مشبوحه ‏
جن طبرة علي المفتوحه
عگب الي صار .. فكري احتار
وينه الگه الصبر دليني

للشاعر : جابر الكاظمي