تتكفل بيوم المحشر (مكتوبة) - باسم الكربلائي

 

 

يـوم الـمـحـشـر الـزهـراء تتكفل ابشيعتها
و  إحـنـه اشـما علينه إذنوب مغفوره ابشفاعتها

سـاعـة شـرف بـالـمـحشر طالع سر مضامنها
صـوت  امـن  الـعـرش يهتف بين الناس يعلنها
أم الـحـسـن خـلي اتجوز غضوا ابصاركم عنها
و اتـلـبـي الـنداء الناس...و كلها تخمد النفاس
مـوقـف       يـدخــل       الإحـسـاس
و الـمـا عـرف خـل يـعرف عند الله كرامتها

ضـجـه  و  الـبـكاء يصير و تهتز ساحة المحشر
ابـمـنـظـر حـزن و بـالآلام لمن فاطمه تظهر
مـن  تـنـشر قميص حسين مصبوغ ابدمه المنحر
و تـنـدب خـالق القدره...ليش إبني إنقطع نحره
و  ســلــبــوا و إنــهـشـم صـدره
و  دمـعـة كـل نـبي و مرسل تجري ويه دمعتها

و  مـوقـف يـجـعل الأملاك كلها اتعاين ابحيره
و هـذا الـمـوقـف ايـبيم معنه الوفه و تفسيره
لـمـن تـرفـع الـزهره بديها اجفوف ابو الغيره
و بحسره و دموع العين...اتصيح ام الحسن و حسين
شــنــهــي  ذنــب هـالـجـفـيـن
اتـوافـي أم الـبـنـين اتريد البل الأولاد وافتها

و رب الـمـرحـمه اينادي اشتطلب فاطمه الزهره
كـل  مـطلب تريده ايصير و خلي اتكون مبتشره
تـقـلـه كـلـمـن ايحبني اريده ينشرح صدره
وشـعـنده  ذنب  مغفور... وتعبه ابخدمته مذخور
و  لــلــجــنــه  يـطـب مـسـرور
و  مـا نـبـجـي عليها اشلون و انوح المصيبتها

نـبـجـي  و نـلطم اعليها طول العمر ليل إنهار
صـوب كـل ضـلـع بينه ضلع الصوبه المسمار
نـقـسـم  قـسـم بـالباري لو عدها قبر ينزار
و  نتعنه القبرها ازحوف... و بلطم الصدور إنطوف
و انــخــلــي الأعــادي اتــشـوف
يـا  زهـراء كـلـنـه انـصيح و انبين ظلامتها

فـوق  ابـيـوتـنـه تـبقه مرفوعه لعلام السود
تـقـلـه  ابـكل  قلب شيعي للزهره قبر موجود
و مـا نـقـطـع بـواجـيـنه لمن يظهر الموعود
وانـسـمعه  يصيح الثار... من الهجموا اعله الدار
و  احــنــه اويــه الإمــام أنــصـار
يـا  مـظـلـومـه يا زهراء شيعة علي صرختها

 

للشاعر: السيد سعيد الصافي الرميثي