على النهر عباس رفت (مكتوبة) - باسم الكربلائي

 

 

عالنهر عباس رفت رايته
بيها مكتوب الوفه عن خوته

من غضب وعيون تتجادح جمر
صاح وين القوم من عندي تفر 
لبو اليمه حسين منذور العمر
هاي جانت بالمعاره صرخته

صرخ بيها وجفلت خيول وزلم
منها محضوض التمكن ينهزم 
هذا عباس الاجاها والنعم
حمله الكرار شافوا حملته 

فرق الجنحين ذبها اعله القلب
وين تشرد لازم عليها الدرب
خل يعلّمها على افنون الحرب
مثل ملك الموت سيفه بيمنته 

تصك راس ابراس خلاها وتسيح
ومايقوم المنها بالحومه يطيح 
والقدر يشرد بروحه يستريح
هاشم وبالحرب صعدت غيرته

غيرة العباس مضرب للمثل
ساعة الشافوه للحومه نزل
صاحوا اعلينه هجم خير العمل
نفس هيبة علي هذا وشمرته
للشاعر : سيد سعيد الصافي