بمن تعبد بهذا (مكتوبة) - باسم الكربلائي

 

 

بمن تعبد يا هذا عليك تمهلني 
أودع احسين أريد وخل يودعني 
أشمه بمنحره و بمنحري يشمني 
خلي بجفه يغمض عيني
وادري بدمعاته تأذيني

إجيتك يا عضيدي ويا ضوه البعين 
انه يمك يخويه انه اخوك احسين
اجفوفك والعلم والجود صارن وين 
وزينب تنتظرك و اسكينه 
ليش الكافل ما رد لينه 

شجاوبهن يخويه وشعتذر منهن 
إذا شافن ادموعي اشلون اصبرهن
يخويه اللي كسرني عليك يكسرهن
والعسكر ابرز رادوني
وحدي ابلا ناصر شافوني

زينب بالخيم وتشوف ابو الاكبر
رد مكسور ظهره وبالحزن يعثر 
صاحت ليش خويه الكافل اتاخر
ناداها الكافل يتعذر
عفته اعله الشط جسمه موذر

آه من الدهر جم اه .. واخاه
بعد عباس اجاها الحزن.. واخاه
حنى ظهره اعله اخوه وصاح .. واخاه 
افرحوا يالشماته اليوم بيه 

انكساره والحزن بيّن .. وضعفاه
حمل هم البشر كله  .. وضعفاه
على فاهك يبو فاضل.. وضع فاه 
وصاح ابصوت خويه شلون بيه 

افراكك يا عزيزي وينه وينه
اشتهيت وياك ونه وينه وينه 
اذا زينب تكلي وينه وينه 
اكلها اعله النهر عفته رميه 

انه المهظوم بس جلمود  .. ظهراي 
يبو فاضل واشوف نجوم ..  ظهراي
يبو الغيره يخويه انكسر .. ظهراي 
وبعد مكدر اكوم اشلون بيه 

 

للشاعر : السيد عبد الخالق المحنه