حسين عالأكبر (مكتوبة) - باسم الكربلائي

 

 

حسين عالاكبر تهدم حيله
وما گدر من المعاره يشيله
وياك راح الگلب
وياك راح القلب

ساعد الله حسين بمصاب الولد
راح منه الاكبر وعينه رگد
من غدر دينيته شيتأمل بعد
خذت ابنه ومدري شتخليله

وصل لوليده وعلى جروحه هوه
صاح اگعد يا من لعيني ضوه
بويه ميت لو تشم نسمة هوه
ما تجاوب يا جبير العيله

بهيده يمسح من وجه ابنه الدمه
وخايف يحرك جروحه ويلچمه
تمدد بطوله وندب يا فاطمة
صاح ابني بكربله لحگيله

ناده من گلبه بحزن بويه علي
نارك بروحي ووسط گلبي تغلي
شافه بس اجروح جسمه منملي
حار يا جرح الذي يداويله

چنت اشوفن بيك وجه المصطفى
وسفه نورك يبني هاليوم انطفه
حگي لو ناديت عالدنيا العفه
وحگها عيني الدمع دم اتسيله

گوه شاله حسين واجدامه تخط
مدري يا مرهم على جروحه يحط
بهالمصيبة منهو اليعين السبط
وغير صبره منهو اليباريله

يا طير خَبُّر النبي عن ما جرى في كربلاء
اخذ الخُبَر مني بعجل و اطوي السما طي الفَلا
و اگصد لعد گبر النبي و ناديه يا سيد المَلا
جاسم صريع بحومته گلب امه نيران اغتلى
هذا الشباب لمصرعه ناحت سماوات العُلا

منين اجيب الماي .. يبني ياعلي
دربي بعيد هواي .. يبني يا علي
يا زهرتي بدنياي ما غيرك الي
مثلك يا بعد الروح قلبي يسطلي
درب الشريعة بعيد يا عينة هلي
يوليدي هذا الحال لابد ينجلي

گطعوا يمين العباس يا فاطمه الحزينة
يا فاطمة هذا الصوت مرفوع للمدينة
طاح العلم فوگ الگاع حين اگطعوا يمينه
و على الگمر گلبي ينوح ما ينگطع ونينه
و بغيبته جتنه الخيل و اتوجهت علينه

ابوذيات مايردلي ، يهم بي ، بعدك

دمع يهل المدامع .. ما يردلي
علي عطشان اجالي .. ما يردلي
يزينب راح الاكبر .. ما يردلي
يزينب يا صبر يلحگ عليه

الابو لو فارگ وليده .. يهم بي
وجرح هيهات يتشافه .. يهم بي
بروحه ما يهم حتما .. يهم بي
يدور شوفة ابنه وهاي هيه

غضب رب السمه وحليت .. بعداك
يبويه ما حسبت حساب .. بعداك
على الدنيا العفه يالولد .. بعداك
ويريت وياك تاخذني المنيه

 

للشاعر : وسام الشويلي