وين اللي فاقده (مكتوبة) - باسم الكربلائي

 

 

وين الفاجدة الشبان
أريد أسمع نواعيها
لأن الفاجدة مثلي
تحس بيه واحس بيها

جسام   آه يوليدي
جسام   آه يوليدي

تجابلني وتنوح اوياي
إلي ونة ولها ونه
وقلها شلون من يندار
ودمع دموعي بالحنه
تنام المسعده بالليل
و آنه إشلون أنامنه
آنا الما نمت ليلي
بعد إبني صحت ويلي
يعني للولد سيلي
وين التبجي ويه مبجاي
وأنا أبجي البواجيها

عليك الآه من تطلع
أحس برويحيتي راحت
يا نسمة صبح يبني
يورده من الغصن طاحت
إذا يسكن جرح بيه
جثيره إجروح بي صاحت
جنك يالولد ناسي
إرباي ودمعة إحساسي
أظل ألطم على راسي
تصيح الروح يا جسام
تعالي إجفاك ياذيها

عسن نوم الهنه يبني
عفت رمله إشيصبرها
أشمن ريحتك و أركض
و بثيابي أدورها
ييمه البيك مكسوره
تره ملگاك يجبرها
تعال و خل أضمنك
صبر راح الصبر منك
و لو بالطيف أشوفنك
تعال وشوف حال أمك
بعدك من يباريها

ييمه التنتظر غياب
تقول إتعود غيابي
وآنه العفتك إموذر
يغالي و أغلى أحبابي
بعد منهو اليمر بيه
بعد يا جف يدگ بابي
أظل للنوح و آلامي
بعد عينك يجسامي
ييمه وخلصـت أيامي
أخبرك و النظر وياك
راح و گال ما جيها

طلع شباب من الخيم
كومي يزينب هلهلي
خلونه نشعل شمعته 
جيبوا الشباب لزفته
مثل البدر جاسم طلع 
نور الحسن بالطف سطع

خليها ترتاح النفس 
يا رمله مبروك العرس
عماته بزفه اجن 
خل يفرح بقبره الحسن
حظروا عمامه وصحبته 
وكامت تهلهل عمته

واويلي على العريس  

للحومه نزل جسام وامه طفت الشمعه
ويلي اتلگت الجيمان والفرسان مجتمعه
وابو السجاد ينظرله ون وسالت الدمعه
رمله أيست منه راح وما بعد رجعه

للحومه مشه العريس واسهام العدى تزفه
بين سيوف بين رماح كلها تلگته بلهفه
راح ويبدي عمه حسين راح وحنته بچفه
علي الاكبر يصد اعليه يا جرح الفلا يشفه

للشاعر : السيد عبدالخالق المحنه