يا حبيبي الوداع (مكتوبة) - باسم الكربلائي

 

 

الوداع الوداع يا حبيبي الوداع
يا حبيبي يا حسين نور عيني يا حسين

يا بحر الصبر شفتك نزل دمعك
يا آخر وداع وزينب تودعك
وادموع الرضيع اتحاول اتمنعك

يا اصعب وداع وآخر النظره
دمعات العقيلة انطبعت بنحره
ويشاهد بناته بخيمته التمن
وسكينة العزيزة اتقبله بصدره
وطفله شبگته وتگله وين تريد
محتار ورقية تحيرت بأمره
تصرخ لو رحت يا مدمع يرجعك

صينية شمع بين الخيم تفتر
يطفيها الشمع والفرحه تتغير
حال ام الولد من تحظر التوديع
شاب بلا شباب وجالكمر نور
ليلى عاينت رمله وتگلها نشوف
جاسم بالدموع ايودع الاكبر
والأكبر يگله خل اوج شمعك

شيگول الدمع بآخر دمع شيكول
ووداع العقيلة وي الچفيل يطول
مو انت الگلت گومي واجيت وياك
يعني انت على خدري بكل وكت مسؤول
باجر يا كفيلي من يجي السلاب
انظر عالنهر يالـ عالنهر مجتول
ما تحمل عتابي اعرف بطبعك

رجعت يم اخوها اجروح ما تنعد
يبو الأكبر يخويه وناري ما تبرد
باجر من تشوفك زينبك مذبوح
شيكفي اللطم والمدمع على الخد
لو شفت الشمر باجر يحز الراس
يضربني واعرفه بضربي يتعمد
خل تحضر اخوتج يقصد يسمعك

توديع الطفل وأم الطفل اصعب
يا هزة مهد حتى المهد ينحب
ناغيله اعله كيفج هذا اخر ليل
ضمي صورته بعينج جمر يلهب
من ينشف حليبه والطفل عطشان
باجر لو عطش من يا سهم يشرب
يا آخر أمل يا مدمع ينفعك

 

للشاعر : السيد عبدالخالق المحنه