ليلي عودني (مكتوبة) - باسم الكربلائي

 

 

ليلي .. عودني عالهم والسهر
ليلي .. عديته بأحزاني و قهر
ليلي .. ساعاته كل ساعة إبشهر

آنه جبريل ويظل طول الليالي
جفني ساهر .. فكري حاير
إحضرت يم نعش الجواد إبهذا حالي
قلبي شاجر .. فكري حاير
وإرسمت هالصوره من عالم خيالي
ابهالمشاعر .. فكري حاير
جن شفت من كربله حسين إعتنى لي
شنهو صاير ... فكري حاير
ويلي .. إشجابك يمهجة فاطمه
ويلي .. بعده يصب نحرك دمه
ويلي .. زيدت أحزاني وكدر ليلي

نفض عن إجروحه تربان المنيه
و بمصابه .. منهو جابه
إبلايه راس إعتنه و عاف الغاضريه
إشهالغرابه .. منهو جابه
إشلون شاف الدرب لرض الكاظميه
إبدم خضابه .. منهو جابه
خل أنشده وأعرف أسراره الخفيه
من جوابه .. منهو جابه
منك .. دمك يصب مثل النبع
منك .. وآنا جواب أرد أستمع
منك .. يا شمس عمري ويا قمر ليلي

أحجي ويه إجروحي لا يجروحي هيدي
إبهذا صبري .. ربي يدري
عفت ذاك الخنصر و دم تطفح إيدي
عفت قبري .. ربي يدري
جيت أريد أحضر دفن جثة حفيدي
وناري تسري .. ربي يدري
إبلا رايه راس اتخطه والدم من وريدي
بعده يجري .. ربي يدري
ناري .. إبدلالي جمرات وألم
ناري .. تطفه وتشب مثل الخيم
ناري .. ليل المصايب و الخطر ليلي

هالجواد إبني و يواسيني إبمهجته
دمعه هامي .. قلبه دامي
واللي نثروا جبدي نثروا جبدته
جبده ضامي .. قلبه دامي
ظلت إبحر الشمس جثته
و بالمرامي .. قلبه دامي
هم ثلثتيام  ما حضروا دفنته
إبلا محامي .. قلبه دامي
دمي .. من جفي هالكون إرتمه
دمي .. إتوزع عله إنجوم السمه
دمي .. راسم نجومه إعله النهر ليلي

جيت يا جبريل بالمهجه الفنوها
إشتحجي عني .. هذا إبني
جـيت أشيـع جثته الما شيعوها
حزنه حزني .. هذا إبني
غصص حرمت هالجواد الما رعوها
إيذكرني .. هذا إبني
إتذكرت جثة علي الأكبر رموها
إشأخفي وني .. هذا إبني
حالي .. إمصاب الجواد اللي صدع
حالي .. إتذكرت الأكبر و إنفجع
حالي .. إتحالف عليَّ إويه الدهر ليلي

إشهالخبر يحسين يالما لك مناصر
لوعتني .. حيرتني
جيت من قبرك جسم عالقاع ساير
ألمتني .. حيرتني
مو لسانك نحرك اليحجي و يحاور
كلمتني .. حيرتني
تنظر النعش الجواد إبيا نواظر
اشجاوبتني .. حيرتني
عيني ... كل جرح من جسمي صبح
عيني .. من ينفتح أشعر فتـح
عيني .. من أهلي ما خله أثر ليلي

 

للشاعر : جابر الکاظمي