عجل الله فرجک (مكتوبة) - باسم الكربلائي

 

 

عجل الله فرجك عجل الله
عجل الله فرجك عجل الله

حـيـاتـي خـلصتها بانتظارك
ظلام ومنتظر يطلع نهارك
يغايب  يا وكت ترجع لدارك
بجيت آنا وبجه الثار اعله ثارك
سـيفــك  ينـادي إلك عجل الله

يـغايب  لو تجي وتنظر دمعنه
وحقك يكسر الخاطر وضعنه
بدينه لجيتك نشعل شمعنه
بجينه عليك والشامت سمعنه
ياحبيبي شأخرك عجل الله فرجك

تجـيني يالغبت عن عيني يمته
دعاء الندبه أبداً ماتركته
يـغـايـب والصبر وياك أخذته
تره النوم بغيابك ماعرفته
عالفـراق اشصبرك عجل الله فرجك

عـذولـي  لازلت أسمع كلامه
يقلي مايجي ويشهر حسامه
دعيت  الله  ترد لينه بسلامه
حسبنه اشجم علامه ويا علامه
يـاعـلامـه اتـأملـك عـجل الله فرجك

تجيني ومن تجيني اتشوف حالي
جريج وتلجم جروحي الليالي
وحقك  ماغبت دوم اعله بالي
تعال خل اسولف لك ياغالي
بالحـسـيـن توسلك عجل الله فرجك

للشاعر : سيد عبدالخالق المحنه