عندک صرت اسیر یا مالک الضمیر (مكتوبة) - باسم الكربلائي

 

 

عندك صرت أسير 
يا مالك الضمير
صوتي ارتفع... والكل سمع
لبيك ياحسين

يالغالي حبك يسري وي دمائي
كل جسمي يهتف دمي كربلائي
مهما جرالي بس الك ولائي
من دم وريدي وقعت ولائي
يا مالك العيون
حبيتك بجنون
نحري انقطع ... والكل سمع
لبيك ياحسين

مرات اشوفك بالسما واهتف لك
مرات اشوفك بالقبر وازحف لك
ما ينوصف عشقي صعب اوصف لك
يا لما اعوفك بالضلع حالف لك
منعوني ما اجيك
واتحدى واعتنيك
وين المنع ... والكل سمع
لبيك ياحسين

من عنده احباب ابكثر احبابك
تترك حبايبها وتنام ابابك
تشفى عللها من تشم اترابك
كل شي يغيب وما عرفنا اغيابك
ما يبعد الحبيب
مهما بعد قريب
خصمه انردع...  والكل سمع
لبيك ياحسين

معروفه كل خادم يعيش بذله
بس اليخدمك يكبر ويتعله
والما قبل هذا الكلام انقله
الما يلوح يقول مر وخله
الخادم يظل زغير
بس خادمك امير
بيك اقتنع ... والكل سمع
لبيك ياحسين

يا عاذل اترك هالحكي وخلينه
احنا على حب حسينه تربينه
احنا الدفعنا جفوف واتحدينه
احنا البقينه والمنعنه وينه
احسن لك السكوت
ما نعوفه لو نموت
محد خضع... والـكل سمع
لبيك ياحسين

طبع الروافض من تحب مجنونه
والما يشوف حسين عميه عينه
بجنة عدن يحسين لو خلونه
نبجي ونقول الكربله رجعونه
اليمشي من بعيد
يوصل رغـم يزيد
لا ما رجع ... والكل سمع
لبيك ياحسين

دمك يغالي أعلن انتصاره
والجاذبية اتوقفت محتاره
لهل السماوات ارتفع مناره
وتزاحمت ارض و سما مزاره
يعني ارض سماء
موجوده كربلاء
لا مو بدع ... والكل سمع
لبيك ياحسين

للشاعر : السيد عبدالخالق المحنّه