عذبتيني (مكتوبة) - باسم الكربلائي

 

 

عذبتيني عذبتيني يابوية
بدمعات عتابج عذبتيني

أنت بغربة و أني بغربة وماظل عندي
هاي الدنيا وهاي الأمة انقلبت ضدي
يابوية وعمج عالغبرة وأنا لوحدي
تدرين بحسرات فراقج تمرد جيدي
وتعذريني .. و تعذريني
ما أشوفج يا ضي عيوني و تعذريني

يا بوية و من راح الأكبر راحت روحي
ودعته و انحب و العسكر سمعـوا نوحي
شميته و خليت جروحه فوق جروحي
طاحت وياه جبال الهم فوق سفوحي
وتسمعيني .. و تسمعيني
انده راح الغالي من ايدي و تسمعيني

يا بوية و جاسم للعسكر من زفيته
جبته وجان السيف براسه من رديته
لو شفتيني بدم المنحر من حنيته
سالم يرجع ابن الغالي و تمنيته
بينه وبيني .. بينه و بيني
نظرة ميت و حي يعرفها بينه و بيني

يا بوية و نبلة عبدالله صابت قلبي
جانت أصعب كل جروحي و يعلم ربي
من رديت لخيمة أمه متيه دربي
رديت و ما تسوى الدنيا و ضايع تعبي
مايكفيني .. مايكفيني
لو أبجيه ليوم المحشر ما يكفيني

سهم مثلث طاح بجبدي و ما يسقوني
يا بوية و زينب تنظرهم من ذبحوني
خيل العسكر داست صدري و ما راعوني
تركوني عاري على الغبرة و ما دفنوني
دارت عـيني .. دارت عيني
من صاحت زينب جاوبني دارت عيني

للشاعر : سيد عبدالخالق المحنة